पोखरा । प्रधानमन्त्री तथा नेकपा अध्यक्ष केपी शर्मा ओलीले खेलाडीले आफ्नो कौशलता र शारीरिक बनावटको आधारमा खेल रोज्नु पर्ने बताएका छन् ।
सोमबार पोखरा रंगशालाको अवलोकन गर्दै प्रधानमन्त्री ओलीले खेलाडीले आफनो शरिरको बनावटको अनुरुप खेल रोज्नुपर्ने बताएका हुन् ।
गण्डकी प्रदेश स्तरीय भेलाका लागि पोखरा आएका प्रधानमन्त्री ओलीले आफनै उदाहरण दिँदै खेलाडीले शारीरिक बनोट हेरेर खेल रोज्नुपर्ने बताए ।
‘पातलो मान्छे बास्केटबल खेल्न लाको, लडिहालें,’ प्रधानमन्त्री ओलीले भने,‘यस्सो ड्यासिङ, ट्याकल गर्दियो भने त लडिहालिने ।’
प्रधानमन्त्रीले सरकारले खेल क्षेत्रमा ध्यान दिने प्रतिबद्दता समेत व्यक्त गरे ।
१३ औं दक्षिण एसियाली खेलकुदको उदाहरण दिँदै उनले भने,‘४ महिनामा रंगशालाको स्वरुप परिवर्तन भयो खेलाडीले पनि उत्कृष्ट प्रर्दशन गरे नेपाली अब खेलमा हार्दैन।’
नेपाली खेलाडीको प्रशंसा गर्दै उनले नेपाली खेलाडीले खेल जित्न ड्रग्स सेवन नगर्ने पनि बताए ।
‘शरिर उत्तेजित पार्न विभिन्न औषधी पाईन्छन् तर हाम्रा खेलाडीले केही सेवन गर्दैन्,’ प्रधानमन्त्री ओलीले भने,‘परिश्रम र मिहिनेतमा विश्वास गर्नुपर्छ मिहिनेत गरे हामीले जित्छौं ।’
प्रधानमन्त्री ओलीले खेलाडीलाई प्रशिक्षणमा प्रशिक्षकलाई नछल्न समेत आग्रह गरेका छन् । प्रशिक्षकलाई छलेर एकछिनको प्रशिक्षणमा अल्छी गरेपनि घाटा स्वयम् खेलाडी र नेपाललाई रहेको उनको भनाइ छ ।
खेलाडीका लागि सबैभन्दा महत्वपूर्ण अभ्यास रहेको बताउँदै प्रशिक्षणमा मिहिनेत गर्न प्रधानमन्त्री ओलीले सुझाएका छन् ।
प्रधानमन्त्री ओलीले खेल क्षेत्रमा प्रगति गर्नका लागि देशका विभिन्न स्थानमा रंगशाला निर्माण गर्ने बताएका छन् । साथै खेलाडीका लागि पनि उचित व्यवस्थापन गर्ने उनले बताए ।
खेलाडीहरूको खेल कौशल प्रशिक्षकले उचित रूपमा चिन्ने भएकाले आफूले राम्रो गर्न सक्ने खेलमा लाग्नुपर्ने सुझाए ।
नेपालीहरू राम्रो अभ्यास पाएभने कहिल्यै पनि हार्न नसक्ने बताए । नेपालले दक्षिण एसियाली खेलकुदमा पाएको सफलताले नेपाली खेललाई व्याख्या गर्ने बताए ।
‘अघिल्लो खेल भन्दा अहिलेको खेलमा १७ गुणा बढी स्वर्ण जित्यौं, अब नेपाली हार्दैनन्,’ उनले भने ।
प्रधानमन्त्री ओलीले पोखरा रंगशलाको निर्माण कार्य छिट्टै सकिने समेत बताए ।
-1736692535.jpeg)
