ब्राइटनमाथि क्रिस्टलको जित

एजेन्सी । इंग्लिस प्रिमियर लिग फुटबलमा क्रिस्टल प्यालेसले ब्राइटनलाई पराजित गरेको छ ।

सोमबार राति भएको खेलमा क्रिस्टलले ब्राइटनलाई २-१ गोल अन्तरले पराजित गरेको हो ।

ब्राइटनको मैदानमा जिन फिलिपे माटेटाले गोल गर्दै क्रिस्टललाई अग्रता दिलाएका थिए ।

तर, खेलको ५५ औं मिनेटमा ब्राइटनका जोएल भेल्टम्यानले गोल गर्दै खेल १-१ को बराबरीमा ल्याए ।

त्यसपछि खेलको इन्जुरी समयमा क्रिस्टियन बेन्टेकेले गोल गर्दै क्रिस्टललाई २-१ को जित दिलाए ।

जितसँगै क्रिस्टल लिगको १३ औं स्थानमा उक्लिएको छ ।

क्रिस्टलले २५ खेलमा ३२ अंक जोडेको छ ।

२६ अंक जोडेको ब्राइटन लिगको १६ औं स्थानमा रहेको छ ।