काठमाडौं । गण्डकी प्रदेशमा तय भएको आठौं पर्वतीय खेलकुद महोत्सव स्थगित भएको छ ।
माउन्टेन स्पोर्टस फेडेरेसनले शनिबार एक विज्ञप्ति निकाल्दै महोत्सव स्थगित गरिएको जनाएको छ ।
फेडेरेसनले प्राविधिक कारण महोत्सव स्थगित गरिएको जनाएको छ ।
गण्डकी प्रदेशमा हुने महोत्सव फागुन २० गतेबाट चैत २० सम्म आयोजना हुने तालिका रहेको थियो ।
फेडेरेसनले स्थगित महोत्सवको नयाँ मिति चाडै तय हुने समेत जनाएको छ ।
महोत्सवमा विभिन्न १५ खेलहरुको प्रतियोगिता हुने बताईएको थियो ।
महोत्सवमा परम्परागत आर्चरी, ठेलो, क्यानोनिङ, रक क्लाइम्बिङ, क्यानोइङ, साइक्लिङ, प्याराग्लाइडिङ, क्रस कन्ट्रि रनिङ, मोटर स्पोर्टस, टग अफ वार, रिङ रेस्लिङ, घोडा दौड, ट्राइयाथलन, गल्फ, स्केट वोर्डिङ लगाएतका १५ खेलहरु हुनेछ ।
-1736692535.jpeg)
