काठमाडौं । अजिमा स्नुकर हाउसका सुमेश लामाले प्रथम चक्र लामा÷किसन लामा स्मृति राष्ट्रव्यापी खुला स्नुकर प्रतियोगितामा शुक्रबार जित हात पारेका छन् ।
सुमेशले एस स्नुकरका रोकश महर्जनलाई ३–० को फ्रेममा सहजै पराजित गरे ।
त्यस्तै ब्रेक प्वाइन्टका विनोद श्रेष्ठले एन्जीका सुन्दर चौधरीलाई ३–२, ब्रेक प्वाइन्टका उमेश शर्माले एसकेका रिकेश मगरलाई ३–०, अजिमाका छोपेल शेर्पाले थानकोटका शेरबहादुर लामालाई ३–१, लास्ट ब्रेकका सोम लामाले कुमारी स्नुकरका सुवासचन्द्र श्रेष्ठलाई ३–१ तथा विकेन रिजालले कुमारी रामकाजी काफ्लेलाई ३–२ ले हराए ।
स्नुकरमा सर्वाधिक नगद पुरस्कार राशीको प्रतियोगिता अन्तर्गत शनिबारदेखि दोश्रो चरणका खेलहरु सम्पन्न हुने छ ।
-1736692535.jpeg)
