काठमाडौं । राष्ट्रिय खेलकुद परिषद (राखेप) का पूर्व सदस्य सचिव केशब कुमार विष्टलाई मातृशोक परेको छ ।
उनको ममतामयी आमा जालपादेवी विष्टको गएराति इटहरीस्थित निवासमा ९१ वर्षको उमेरमा निधन भएको विष्टको निजी सचिवालयले जनाएको छ ।
स्व. विष्टका तीन छोरा र दुई छोरी छन् । पूर्व सदस्यसचिव केशब कुमार कान्छा छोरा हुन् ।
उहाँको पार्थिव शरीरलाई धार्मिक परम्परा अनुसार स्थल समाधि गरिने विष्टका प्रेस सल्लाहाकार रोहित दाहालले जानकारी दिए ।
दुई वर्ष अघि विष्टलाई पितृ शोक परेको थियो ।
बिस २०७२ असार ९ मा राखेपको सदस्य सचिव नियुक्त भएका विष्टको कार्यकाल २०७६ असार ९ गते सकिएको थियो ।
