टोटेनहम ब्राइटनसँग पराजित

एजेन्सी । इंग्लिस प्रिमियर लिग फुटबलमा टोटेनहम पराजित भएको छ ।

आइतबार राति भएको खेलमा टोटेनहम ब्राइटनसँग १-० गोल अन्तरले पराजित भएको हो ।

घरेलु मैदानमा ब्राइटनलाई जित दिलाउन लिनड्रो ट्रोसार्डले निर्णायक गोल गरे ।

खेलको १७ औं मिनेटमा उनले निर्णायक गोल गरेका थिए ।

जितसंगै ब्राइटनले २१ खेलमा २१ अंक जोडेको छ ।

ब्राइटन लिगको १७ औं स्थानमा रहेको छ ।

ब्राइटनले रेलिगेसन क्षेत्रको टिमविरुद्ध ३ अंकको अग्रता समेत बनाएको छ ।

ब्राइटनसँग पराजित भएपछि टोटेनहमले शीर्ष पाँचमा उक्लने मौका गुमाएको छ ।

टोटेनहम ३३ अंक जोडेर छैटौं स्थानमा रहेको छन् ।