एकेडेमी संचालन गर्न एन्फा र आर्मीबीच सम्झौता
काठमाडौं । फुटबल एकेडेमी संचालनको लागि अखिल नेपाल फुटबल क्लब (एन्फा) र त्रिभुवन आर्मी क्लबबीच सम्झौता भएको छ ।
सैनिक आवासीय महाविद्यालयमा एकेडेमी संचालनको लागि एन्फाले आइतबार आर्मीसँग सम्झौता गरेको हो ।
नेपाली सेनाको हेडक्वाटरमा आयोजित कार्यक्रममा एन्फाका उपाध्यक्ष तथा ग्रासरुटका अध्यक्ष उपेन्द्र मान सिंह र आर्मी क्लबका अध्यक्ष ब्रजेश महर्जनले सम्झौता पत्रमा हस्ताक्षर गरे ।
यस्तै एन्फा अध्यक्ष कर्मा छिरिङ शेर्पा र नेपाली सेनाका उपरथी निरन्जन श्रेष्ठले सम्झौता पत्र आदानप्रदान गरे ।
सम्झौता अनुसार सैनिक आवासीयका ७ विद्यार्थीसहित एन्फाले छनोट गरेका गरि २१ विद्यार्थीलाई एकेडेमीमा भर्ना गरिनेछ । जसमा एन्फाले एकेडेमीलाई टेक्निकल सहयोग पुर्याउनेछ ।
एसियाली फुटबल महासंघ(एएफसी)को कार्यक्रम अनुसार आर्मी क्लबले एकेडेमी संचालनमा ल्याउन लागेको हो ।
हालै आर्मी फुटबल क्लबले एएफसीको मापदण्ड पुरा गरेसँग एएफसी लाईसेन्स प्राप्त गरेको थियो ।
