युभेन्ट्सको सहज जित

एजेन्सी । इटालियन सिरी 'ए' फुटबलमा युभेन्ट्सले सहज जित निकालेको छ ।

शनिबार राति भएको खेलमा युभेन्ट्सले साम्पडोरियालाई २-० गोल अन्तरले हराएको छ ।

साविक विजेता समेत रहेको युभेन्ट्सलाई जित दिलाउन फेड्रिको चिसा र आरोन रामसेले एक एक गोल गरे ।

खेलको २० औं मिनेटमा फेड्रिकोले गोल गर्दै युभेन्ट्सलाई अग्रता दिलाएका थिए ।

त्यसपछि खेलको इन्जुरी समयमा रामसेले गोल गर्दै युभेन्ट्सलाई २-० को जित दिलाए ।

जितसंगै युभेन्ट्स लिगको तेस्रो स्थानमा उक्लिएको छ ।

युभेन्ट्सले १९ खेलमा ३९ अंक जोडेको छ ।

साम्पडोरिया २६ अंक जोडेर १० औं स्थानमा रहेको छ ।