काठमाडौं । नेपाल क्रिकेट संघ (क्यान) का सचिव अशोकनाथ प्याकुरेल एसियन क्रिकेट काउन्सिल (एसीसी) को डेभलपमेन्ट कमिटिको सदस्यमा निर्वाचित भएका छन् ।
क्यानले शनिबार सचिव प्याकुरेल डेभलपमेन्ट कमिटिको सदस्यमा निर्वाचित भएको जनाएको छ ।
एसीसीको साधारणसभाबाट प्याकुरेल डेभलपमेन्ट कमिटिको सदस्यमा निर्वाचित भएका हुन् ।
यस्तै क्यानले एसीसीको अध्यक्षमा निर्वाचित जय साहलाई बधाई दिएको छ ।
बीसीसीआईका प्रतिनिधि समेत रहेका साह शनिबार भएको वार्षिक साधारणसभाबाट अध्यक्षमा मनोनित भएका हुन् ।
