सेमिफाइनलमा माल्दिभ्सको अग्रता

ढाका। जारी साफ च्यम्पियन्शिप फुटबलको सेमिफाइनल खेलमा माल्दिभ्सले  १-० को  अग्रता  लिएको छ।  माल्दिभ्सका लागि कप्तान अब्दुल अक्रम घानीले  ९औ मिनेटमा  गोल  गर्दै  अग्रता  लिएको  हो।  उनले  प्रहार  गरेको फ्रिकिक  सिधै  गोलमा  परिणत  भएको  थियो ।  

सुरुवाती ११ मा नेपालले बंगलादेशविरुद्ध मैदान उत्रेको टोलीमा परिवर्तन गरेको छैन । नेपाली टोलीमा नियमित कप्तान विराज महर्जन परेका छैनन् ।

माल्दिभ्सविरुद्ध भरत खवासले कप्तानी सम्हालेका छन् ।

नेपालको प्लेईङ ११: किरण चेम्जोङ (गोल किपर ), सुमन अर्याल, अनन्त तामाङ, आदित्य चौधरी, दिनेश राजवंशी, रोहित चन्द, निराजन खड्का, सुजल श्रेष्ठ, सुनिल बल, विमल घर्ति मगर, भरत खवास (कप्तान)