काठमाडौं । पहिलो संस्करणको प्रभातेश्वर पुरुष भलिबल कप प्रतियोगिताको फाइनल खेल आज हुँदैछ ।
थानकोटस्थित प्रभातेश्वर महादेवको प्राङ्गगणमा हुने फाइनलमा महांकाल भलिबल क्लब र एमभीटीसी 'ए' भिड्ने छन् ।
दुबै टिम उपाधि जित्ने लक्ष्यसहित मैदान उत्रने छन् ।
फाइनल खेल विहान १० बजे सुरु हुनेछ । फाइनल खेल खेलपाटी डटकमबाट प्रत्यक्ष प्रशारण हुनेछ ।
यस अघि पहिलो सेमिफाइनलमा महांकालले शान्त पोखरालाई २५–२०, २५–२१ र २५–२२ को सेटमा पराजित गरेको थियो ।
त्यस्तै दोस्रो सेमिफाइनलमा एमभीटीसीले ढोरपाटनलाई २५–१५, २५–२६ र २५–२२ को सेटमा हराएको थियो ।
प्रभातेश्वर स्पोर्टस क्लबको आयोजनामा सञ्चालित प्रतियोगितामा १६ टिमको सहभागिता रहेको छ ।
प्रतियोगिताको विजेताले १ लाख र उपविजेताले ५० हजार रुपैयाँ प्राप्त गर्नेछन् ।
