पराजुलीको नेतृत्वमा एनसीएसएसको नयाँ कार्यसमिति

काठमाडौं । नेपाली क्रिकेट समर्थक समाज (एनसीएसएस)को पाँचौं साधारण सभा तथा तेस्रो अधिवेशन शनिबार काठमाडौमा सम्पन्न भएको छ ।

आगामी दुई बर्षको लागि सस्थाको नीति तथा कार्यक्रम तय गर्नुका साथै नारायण पराजुलीको अध्यक्षतामा नयाँ कार्यसमिति चयन गर्दै साधारण सभा सम्पन्न भएको हो ।

समर्थक समाजले सातै प्रदेशमा समन्वय समिति गठन गर्ने प्रस्ताब पारित समेत गरेको छ ।

नेपाली क्रिकेटका समर्थकलाई एकिकृत गर्दै क्रिकेट खेलको बिकास र बिस्तारमा समर्थकको तर्फबाट योगदान पुर्याउने उदेश्यले संस्था स्थापना भएको थियो ।

निर्वाचित कार्यसमितिमा पराजुलीसंगै उपाध्यक्षमा रेजिना बस्नेत, सचिवमा शुभ दुलाल, सह–सचिवमा मोहन ज्ञवाली, कोषाध्यक्षमा अच्युत पान्डे रहेका छन् ।

यस्तै, सदस्यमा तारा पाठक, केदार शर्मा, मनिस कार्की निर्वाचित भएका छन् ।

साधारण सभाले प्रदेश संयोजकको रुपमा प्रदेश नम्बर १ मा ईश्वर रेग्मी, प्रदेश ३ मा विशाल पौडेल र प्रदेश ५ मा सागर पंगेनीलाई चयन गरेको छ ।

बाँकी प्रदेशमा कार्यसमितिले संयोजक तोक्ने बताईएको छ ।

सस्थाका सस्थापक सदस्य, आजिवन सदस्य, विभिन्न जिल्ला समन्वय समितीका संयोजक सहभागी साधारण सभामा सस्थाको संगठनात्मक अबस्था बारे निवर्तमान अध्यक्ष बिराज घिमिरे र गतिविधि र प्रगती विवरण सचिब नारायण पराजुलीले प्रस्तुत गरेका थिए । यस्तै, आर्थिक बिबरण कोषाध्यक्ष कपिल श्रेष्ठले प्रस्तुत गरेका थिए ।

संस्थाले बर्षभरी गरेको गतिविधिको आधारमा चितवन जिल्ला समन्वय समितीलाई उत्कृष्ट जिल्ला समेत घोषणा गरिएको छ ।

साधारण सभामा सहभागीले सस्थाको विभिन्न नीतिगत योजना साथै आगामी २ बर्षको कार्यक्रमबारे धारणा राखेका थिए ।