एसियन गेम्स २०३० कतारमा हुने

काठमाडौं । सन् २०३० मा हुने एसियन गेम्सको आयोजना कतारले गर्ने भएको छ ।

ओलम्पिक काउन्सिल अफ एसियाको साधारण सभाले मतदान मार्फत सन् २०३० को एसियन गेम्सको आयोजना कतारलाई दिने निर्णय गरेको छ ।

त्यसको चार वर्ष पछि हुने २०३४ को एसियन गेम्स भने साउदी अरबले आयोजना गर्नेछ ।

सन् २०३० को एसियन गेम्सको आयोजनाका लागि कतार र साउदी अरबले दाबी गरेका थिए । जसमा कतारले बाजी मारेको छ ।

एसियन ओलम्पिक परिषद् (ओसीए)को साधारण सभाले कतारलाई मतदान मार्फत आयोजनाको जिम्मेवारी दिएको हो ।

साउदी अरब र कतारबीच लामो समय चलेको राजनीतिक विवादका बीच मतदान सम्पन्न भएको थियो । साउदी अरब ती चार देश मध्य एक थियो, जसले सन् २०१७ मा कतारसंग ब्यापार तथा यात्रा गर्न वहिष्कार गरेको थियो ।

दुवै देशले सहमतीमा आयोजनाको प्रतिस्पर्धालाई थाती राख्न सक्थे । तर दुवैले मतदानमार्फत अघि बढ्ने निर्णय लिए ।

ओसीएका अध्यक्ष शेख अहमद अल फहद अल सबाहले भने, ‘यसको मतलब कोही विजेता हैन, कसैको हार भएको छैन ।’