कतार ओलम्पिक कमिटीका महासचिव नेपाल आउदै

काठमाडौं । कतार ओलम्पिक कमिटीका महासचिव जसिम रसिद जेए अल्बुनइन नेपाल आउने भएका छन् ।

नेपाल ओलम्पिक कमिटीले महासचिव जसिम बुधबार नेपाल आइपुग्ने जनाएको छ ।

महासचिव जसिमसँगै कतारी ओलम्पिक कमिटीको प्रतिनिधि मण्डल पनि हुनेछ ।

कतारी प्रतिनिधि मण्डल एक दिने भ्रमणमा नेपाल आउन लागेका हुन् ।

भ्रमणको दौरान कतारी प्रतिनिधि मण्डलले नेपाली ओलम्पिक कमिटीका पदाधिकारीसँग भेट गर्ने छन् ।

यस्तै प्रतिनिधि मण्डलले ललितपुरस्थिति सातदोबाटोमा रहेको नेपाल ओलम्पिक कमिटीको कार्यालयको पनि भ्रमण गर्नेछन् ।

कतारको राजधानी दोहाले सन् २०३० को एसियाली खेलकुद आयोजनाका लागि आफ्नो दावेदारी पेस गर्दैछ । यसमा नेपालको सहयोग र समर्थनका लागि औपचारिक अनुरोध गर्न कतारी प्रतिनिधि मण्डल नेपाल आउन लागेको हो ।