जर्मनीमा भूपेन्द्रलाई स्वर्ण

काठमाडौं । जर्मनीको सिविस गुइनमा भएको १२ औं वल्ड मार्सल आर्ट्स च्याम्पियनसिपमा नेपालका भूपेन्द्र गुरुङले स्वर्ण पदक जितेका छन् ।

वल्ड मार्सल आर्ट्स कमिटीले आयोजना गरेको प्रतियोगितामा भूपेन्द्रले छ्यान् छुवानमा स्वर्ण पदक जितेका हुन् ।

त्यस्तै, मुन्नी सुवेदीले ताइची र विजय तामाङले सान्डामा कास्य पदक जितेको नेपाल उमा कङ्फु संघका अध्यक्ष सिद्धार्थ लामाले जानकारी दिए ।

कांश्य विजेता मुन्नी सुवेदी अधिवक्ता तथा लेक्चर पनि हुन् । प्रतियोगितामा २५ राष्ट्रका तीन सयभन्दा बढी खेलाडीको सहभागिता रहेको थियो ।

नेपाली टोली शुक्रबार स्वदेश फर्किने छ ।