काठमाडौं । इन्स्टिच्युट अफ स्पोर्ट्स साइन्स एण्ड रिसर्च नेपाल (आईएसएसआर) को अध्यक्षमा डा. प्रकाश प्रधान निर्वाचित भएका छन् ।
भर्चुअल रुपमा शनिबार आयोजित साधारणसभाले प्रधानको अध्यक्षतामा ९ सदस्सीय आईएसएसआरको नयाँ नेतृत्व चयन गरेको हो ।
आईएसएसआरको अध्यक्षमा निर्वाचित प्रधानले खेल विज्ञानमा विधाबारिधि गरेका छन् । उनी लामो समयबाट नेपाली खेलकुदसँग आबद्द छन् ।
यस्तै आईएसएसआरको उपाध्यक्षमा रिम रानाभाट चयन भएका छन् । उनलाई श्रोत व्यवस्थापन तथा परिचालकको संयोजक समेत तोकिएको छ ।
प्रबन्ध निर्देशकमा स्वयम्भुराज डंगोल चयन भएका छन् । उनलाई कार्यालय तथा जनसम्पर्क समितिका संयोजक समेत तोकिएको छ ।
सदस्यमा मोनालिसा खम्बु, डा. रुपेश केसी, प्रा. शिवराज संजेल, सिमा राना खामपाङ, राजेश श्रेष्ठ र हित कुमार गुरुङ रहेका छन् ।
आईएसएसआर खेलकुद र शारीरिक शिक्षा सम्बन्धि अध्ययन गर्ने गराउने तथा खेल विज्ञान र खेलकुद व्यवस्थापनको वैज्ञानिक ढंगले नेपाली खेलकुदको विकास र स्तरोन्नति गराउने उदेश्यले स्थापना गरिएको संस्था हो ।
-1732534788.jpg)
