काठमाडौं । दिनेश श्रेष्ठको अध्यक्षतामा सुदुरपश्चिम प्रदेश फुटबल संघ गठन भएको छ ।
कैलाली र कन्चनपुर जिल्ला फुटबल संघको सिफारिसमा श्रेष्ठको अध्यक्षतामा प्रदेश फुटबल संघ गठन भएको हो ।
सुदुरपश्चिमको महेन्द्रनगरमा मंगलबार बसेको भेलाले उपाध्यक्षमा राघवेन्द्र कार्की र तेजबहादुर चन्दलाई चयन गरेको छ ।
भेलाले महासचिवमा अमृत शाह, कोषाध्यक्षमा शंकर श्रेष्ठ, सदस्यहरुमा डम्मरी महरा, हेमकृष्ण रंजितकार, लालमन तामाङ, नृप बुढा, नितेश रावल, गोपाल चौधरी, दिनेश मल्ल र दिनेश बोगटीलाई चयन गरेको छ ।
सुदुरपश्चिम प्रदेशको कमिटी समेत सर्वसम्मत चयन भएको एन्फाले जनाएको छ ।
प्रादेशिक संरचनाको रुपमा यसअघि गण्डकी सहित प्रदेश नम्बर एक र दुईको कमिटी गठन भएको थियो ।
यस्तै, कर्णाली र लुम्बिनी प्रदेशको समेत कमिटी गठनको प्रक्रिया अन्तिम चरणमा पुगेको छ । एन्फाले चाँडै ती दुवै प्रदेशमा कमिटी गठन हुने जनाएको छ ।
-1732534788.jpg)
