एसियन गेम्स : सरस्वती १४ औं स्थानमा, एथलेटिक्सको चुनौती समाप्त

काठमाडौं । इन्डोनेसियामा जारी एसियन  गेम्स अन्तर्गत एथलेटिक्समा नेपालको चुनौती सकिएको छ ।

बिहिबार नेपालकी धाविका सरस्वती भट्टराईको प्रतिस्पर्धासंगै नेपालको चुनौती सकिएको हो । सरस्वतीले १५ सय मिटरको दौडमा प्रतिस्पर्धा गरेकी थिइन्  ।

१५ सय मिटरको प्रतिस्पर्धामा सरस्वतीले १४ औं स्थान हासिल गरिन् । सरस्वतीले ४ मिनेट ३४.२६ सेकेण्डको समय निकालिन । यो स्पर्धामा २० खेलाडीले प्रतिस्पर्धा गरेका थिए । यो स्पर्धामा बहराइनका खेलाडीले स्वर्ण र कास्य जित्दा भारतका खेलाडीले कास्य हात पारे ।

यसअघि सरस्वतीले ८ सय मिटर दौडमा आफ्नो प्रदर्शनमा सुधार गरेकी हुन् । हिट चरण पुरा गर्न नसकेपनि सरस्वतीले आफ्नो व्यक्तिगत प्रदर्शनमा सुधार गर्दै निर्धारित दुरी २ मिनेट १२.८५ सेकेण्डमा पुरा गरेकी थिइन् ।

एसियन गेम्समा एथलेटिक्सतर्फ नेपालका चार पुरुष र दुई महिला खेलाडीले प्रतिस्पर्धा गरेका थिए ।