मेस्सीलाई उछिन्दै फेडेरर सर्वाधिक कमाउने खेलाडी

एजेन्सी । टेनिस स्टार रोजर फेडेरर विश्वका सर्वाधिक आम्दानी गर्ने खेलाडी बनेका छन् ।

फेब्सले प्रत्येक बर्ष निकाल्ने सुचि अनुसार टेनिस खेलाडी फेडेरर पहिलाे पटक बर्षको सर्वाधिक आम्दानी गर्ने खेलाडी बनेका हुन् ।

फोब्सको नम्बर एक सुचिमा अटाएका उनले फुटबलका लियोनल मेस्सीलाई समेत पछाडी पारे ।

३८ बर्षका फेडेररले पछिल्लो बर्ष ८६ दशमलव २ मिलियन डलर आम्दानी गर्दै चार स्थानमाथि उक्लिए । उनले विभिन्न प्रायोजकबाट ८१ मिलियन पाउण्ड प्राप्त गरे ।

क्रिस्टियानो रोनाल्डोले ८५ मिलियन, लियोनल मेस्सीले ८४ मिलियन, नेयमारले ७७ दशमलव ५ मिलियन र अमेरिकन बास्केटबल खेलाडी लिबर्न जेम्सले ७१ दशमलव ५ मिलियन पाउण्ड आम्दानी गर्दै शीर्ष ५ खेलाडीको सुचिमा रहे ।

जापानी खेलाडी नाओमी ओसाका सर्वाधिक आम्दानी गर्ने महिला खेलाडी बनिन् । उनी समग्रमा सुचिको २९ औ स्थानमा रहेकी छिन् । शुक्रबार जारी गरिएको रिपोर्ट अनुसार खेलाडीको नयाँ आम्दानी प्राप्त भएको हो ।

'कोरोना महामारीका कारण मेस्सी र रोनाल्डोको तलबमा कटौती भएको छ । सोही कारण टेनिस खेलाडी सर्वाधिक कमाई गर्ने पहिलो खेलाडी बनेका छन् ।' फोब्सका सिनियर ईडिटरले भनेका छन् ।

यस्तै, पछिल्ला चार बर्षमा सर्वाधिक कमाई गर्ने महिला खेलाडी बनेकी सेरेना विलियम्सलाई उछिन्दै ओसाका पहिलो पटक नम्बर एकमा आएकी हुन् ।

दुई पटककी ग्रान्डस्लाम विजेता ओसाकाले ३० दशमलव ७ मिलियन डलर आम्दानी गरेकी छिन् । उनको सम्पत्ति सेरेना भन्दा १ दशमलव १५ मिलियन डलर बढी छ ।