काठमाडौं । स्विडिस प्रशिक्षक योहान कालिनको आगमनपछि नेपाली राष्ट्रिय फुटबलले पाएको नयाँ डिफेन्डर हो अजित भण्डारी ।
गत चैतमा कालिनले आफ्नो पहिलो बैदेशिक भ्रमण क्रममा अजितसँगै ५ खेलाडीलाई एकै पटक डेब्यु गराएका थिए । यस अघि नेपाली तथा विदेशी प्रशिक्षकको नजरबाट टाढा रहेका अजित कालिनको पहिलो अन्तर्राष्ट्रिय मैत्रीपूर्ण खेलमै टिममा पर्न सफल भए ।
पहिलो खेलबाटनै कालिनको मन मस्तिस्कमा बस्न सफल अजित त्यस यता भने नियमित रुपमा राष्ट्रिय टिममा छन् । केहि समय खुट्टाको चोटका कारण मैदान बाहिर रहेपनि अजितले अन्तर्राष्ट्रिय खेल गुमाउनु परेन ।
तर, नेपालले लामो समय अन्तर्राष्ट्रिय खेल नखेल्दा र लामो समय मैदान बाहिर बस्नु नपर्दा अजितलाई पुनः राष्ट्रिय टिममा स्थान बनाउन सकस भएन ।
पछिल्लो समय अष्ट्रेलिया र चाईनिज ताईपेविरुद्धको खेलका लागि लागि बन्द प्रशिक्षणमा रहेका अजितले कोरोना भाईरसको कारण प्रशिक्षण स्थगित भएपछि परिवारलाई समय दिन पाएका छन् ।
चीनको वुहानबाट सुरुभएको कोरोनाले अहिले विश्वबजारलाई आक्रान्त बनाएको छ । कोरोनाले विश्वभर ५० हजार भन्दा माथिको ज्यान लिईसकेको छ ।
कोरोनाबाट बच्न विश्वका अधिकांस देशले लकडाउनको अवधारणा ल्याएका छन् । नेपाल सरकारले पनि लकडाउन गरेको १४ दिन भईसकेको छ ।
सरकारको लकडाउन अघि नै राष्ट्रिय खेलकुद् परिषद् (राखेप)ले आफ्ना संघहरुलाई खेलकुद गतिविधि अनिश्चित कालका लागि बन्द गर्न निर्देशन दिएको थियो । जसका कारण नेपालमा अहिले खेलकुद गतिबिधि ठप्प रहेको छन् ।
राखेपको निर्देशनसँगै चलिरहेको 'बी' डिभिजन लिग पनि अखिल नेपाल फुटबल संघ (एन्फा) ले स्थगित गरेको थियो ।
खेलकुदका गतिबिधिनै ठप्प र लकडाउन सँगै खेलाडीहरुको दिनचर्या पनि घरमै सिमित बन्न पुगेको छ ।
फुटबल नहुँदा र लकडाउनको कारण डिफेन्डर अजित यतिबेला गृहजिल्ला पोखरामा रहेका छन् ।
मैदान उत्रन नपाएका अजितको पनि अन्य खेलाडीको जस्तै दैनिकी रहेको छ । घरमै फिटनेसमा ध्यान दिएका उनि अन्य समय भने रेष्टमानै हुन्छन् ।
‘कोरोनाको कारण बाहिर त निस्केको छैन । तर, पनि बिहानको समय मिलाएर सामान्य ट्रेनिङ, रनिङ , जगिन र बलसँग टचमा रहिरहेको हुन्छु,’ पोखराको सहारा एकेडेमीबाट उत्पादित अजित भन्छन् ।
नेपाल पुलिस क्लबमा आबद्व अजित निकैनै मेहनती खेलाडीको सूचीमा गनिन्छन् ।
दौडमा अब्बल, सेन्टर, राईट तथा लेफ्ट ब्याक (डिफेन्स) तीनै पोजिसनमा खेल्न सक्ने भएरनै अजित प्रशिक्षक कालिनको नजरमा पर्न सफल भएका हुन् । बिपक्षी खेलाडीसँग सहजै प्रतिस्पर्धा गर्नु पनि अजितको अर्काे कला मानिन्छ ।
नेपाल पुलिसबाट खेल्दा सेन्टर डिफेन्डरको भूमिका निर्वाह गर्ने अजित राष्ट्रिय टिमबाट खेल्दा भने राईट ब्याक र लेफ्ट ब्याकको भूमिकामा हुने गर्छन् । राष्ट्रिय टिममा अजितको आगमनसँगै पूर्व सदस्य तथा कप्तान विराज महर्जनको बर्हिगमन भएको हो ।
गत चैत पहिलो साता कुवेतविरुद्ध भएको मैत्रीपूर्ण खेलमा अजितले राष्ट्रिय टिमबाट डेब्यु गरेका थिए । विमल राना, सन्तोष तामाङ, सुरज विश्वकर्मा र रवि पासवानसँगै डेब्यु गरेका उनि त्यस यता भने नियमित रुपमा टिममा छन् ।
नियमित ३ खेल प्लेईङ सेटमा रहेर खेलेका अजित भदौ १९ गते कुवेतविरुद्धको खेलमा चोट बोक्न पुगे । खुट्टामा चोट बोकेका उनि खेलको ५४ मिनेटमा मैदानबाट बाहिरिएका थिए ।
फिफा विश्वकप छनोट अन्तर्गत चाईजित ताईपेविरुद्धको एक मात्रै जितमा टिम बाहिर रहेका अजित असोजमा अष्ट्रेलियाविरुद्ध टिममा पुनरागमन गर्न सफल भए ।
प्रशिक्षक कालिनको विश्वासी पात्र बनिसकेको अजित मंसिर पहिलो साता कुवेतविरुद्ध भुटानमा भएको होम खेलमा भने पुनः प्लेईङ सेटमै फर्किएका थिए ।
लकडाउनको केहि हप्ता अघि गृहजिल्लामा सम्पन्न १८ औं आहा रारा गोल्डकपमा पुलिसलाई उपाधि जिताउन नसकेपनि उनले प्रतियोगिताकै सर्बाेत्कृष्ट खेलाडी चुनिए । अजित कानिलको मात्रै नभई आक्रामक प्रशिक्षकको उपमा पाएका पुलिसका प्रशिक्षक अनन्त राज थापाको समेत विश्वासी पात्र हुन् ।
पोखरामा रहेका अजित घरमा बस्दा बस्दा आजित भईसकेका छन् । उनी मैदान निस्कन नपाउँदा अत्तालिएका छन् । अजित चाडो कोरोना नियन्त्रणमा आओस् र मैदानमा उत्रन पाए हुन्थ्यो भनेर प्रार्थना गर्छन् ।
‘यो अवस्थामा बाहिर निस्कन गाह्रो छ । घरमा बस्दा बस्दा दिग्दार भईसके । खेल्न नपाउँदा, घरमा बस्दा आत्तिएको छु,' २६ वर्षे अजित भन्छन् ।
विभागीय जागिरे भएपनि यस संकटको अवस्थामा विभागले खेलाडीलाई फिल्डमा उतारेको छैन । त्यसैले घरमै रहेका अजित आफ्ना शुभेच्छुकलाई कोरोनाबाट बच्न घर भित्रनै रहन र स्वास्थ्य रहन आग्रह गर्दै नेपाल सरकारले गरेको आग्रहको पालना गर्न सुझाब दिन्छन् ।
‘यस्तो अवस्थामा नेपाल सरकारले गरेको आग्रहको पालना गर्नुहोला । घर बाहिर ननिस्कनु होला । स्वास्थ्यको ख्याल गर्नुहोला,’ उनले भने ।
-1734879364.jpg)
-1734875597.jpg)
