काठमाडौं । नेपाली राष्ट्रिय महिला भलिबल टिमका मुख्य प्रशिक्षक जगदीश भट्ट सम्मानित भएका छन् ।
महेन्द्रनगरको ब्रिक्सटोन कलेजले आफ्नो ११ औं वार्षिकोत्सवको अवसरमा प्रशिक्षक भट्टलाई सम्मान गरेको हो । भट्टले खेलकुद क्षेत्रमा विशेष योगदान दिएको कारण सम्मान गरिएको कलेजले जनाएको छ ।
कलेजका प्रमुख निशा भट्टको संयोजत्वमा भट्टलाई ताम्रपत्र र दोसल्ला ओडाएर सम्मान गरिएको थियो ।
सम्मानपछि प्रशिक्षक भट्टले यस सम्मानबाट हौसला मिलेको बताए ।
‘कलेज परिवारले मलाई सम्मान गरेकामा धेरै खुशी छु । धेरै खुशी लागेको छ । साथै हौसला पनि मिलेको छ,’ उनले भने, ‘म सम्पूर्ण कलेज परिवारप्रति आभार प्रकट गर्दै धन्यवाद दिन चाहन्छु ।’
बंगलादेशमा सम्पन्न एभिसी सेन्ट्रल जोन महिला भलिबलमा नेपालले ऐतिहासिक स्वर्ण पदक जित्दा भट्ट मुख्य प्रशिक्षक रहेका थिए । गत मंसिरमा नेपालमा सम्पन्न १३ औं सागमा महिला टोलीले रजत पदक जित्दा उनी मुख्य प्रशिक्षक थिए ।
