दिदिबहिनी कप महिला भलिबल बुधबारबाट

बेनी । चौंथो संस्करणको दिदिबहिनी कप राष्ट्रिय महिला भलिबल प्रतियोगिता बुधबारबाट पर्वतको बेनीमा सुरु हुने भएको छ ।

आयोजक रेडियो दिदिबिहिनीले मंगलबार पत्रकार सम्मेलन गर्दै प्रतियोगिता बुधबारबाट सुरु हुने जनाएको हो ।

प्रतियोगितामा साबिक बिजेता एपीएफ, त्रिभुवन आर्मी, न्यु डाईमण्ड, नेपाल पुलिस क्लब र आयोजक टिमको सहभागिता रहनेछ । पाँच टिम सहभागी प्रतियोगिता लिग नकआउटका आधारमा हुनेछ ।

उद्घाटन खेलमा एपीएफ र आर्मी भिड्ने छन् ।

प्रतियोगिताको विजेताले २ लाख, दोस्रोले १ लाख, तेस्रोले ५० हजार पुरस्कार पाउनेछन् । सर्वोत्कृष्ट खेलाडी तथा विधागत उत्कृष्ट खेलाडीलाई पनि नगद पुरस्कार प्रदान गरिने आयोजकले जनाएको छ ।

पत्रकार सम्मेलनमा बोल्दै रेडियोका अध्यक्ष कल्पना चापागाईले प्रतियोगिताको अनुमानित बजेट १५ लाख रहेको बताईन् ।