तीन शहरमा आत्मरक्षा तालिम हुने

काठमाडौं । नेपाल सेल्फ डिफेन्सको आयोजनामा नेपालको मुख्य ३ शहरमा अन्तर्राष्ट्रिय सेल्फ डिफेन्स सेमिनार हुने भएको छ ।

नेपाल सेल्फ डिफेन्स संघले शुक्रबार पत्रकार सम्मेलनको आयोजना गर्दै अन्तर्राष्ट्रिय सेमिनारका बारेमा जानकारी गराएको हो ।

माघ ७ देखी पोखरामा, १० गतेदेखि १३ काठमाडौं र १४ देखि १६ गतेसम्म जनकपुरमा हुने अन्तर्राष्ट्रिय सेल्फ डिफेन्स सेमिनारमा अमेरिका र पोल्यान्डका ग्राण्ड मास्टरहरुले प्रशिक्षण दिनेछन ।

सेमिनारमा नेपालका ४० जिल्लाका सेल्फ डिफेन्सका प्रतिनिधि एवं प्रशिक्षकहरुले अन्तर्राष्ट्रिय सेल्फ डिफेन्सको लाइसेन्स प्राप्त गर्नका लागी प्रशिक्षण कार्यक्रममा सहभागी जनाउने छन् ।

नेपाल सेल्फ डिफेन्सकी नेपाल प्रमुख सञ्जु महर्जनले सेमिनारमा अन्तर्राष्ट्रिय रूपमा ख्यातिप्राप्त सेल्फ डिफेन्सका ग्राण्ड मास्टरहरुबाट हिंसाबाट कसरी बच्ने, हिंसामा परेका बेला आफुलाई कसरी सुरक्षित गर्न सकिन्छ भन्ने विषयमा जानकारी गराईने बताइन् ।

नेपालमा बर्सेनि महिलाहरु माथी हुने बलात्कार र हिंसाहरुलाई कसरी निरुत्साहित पार्न सकिन्छ साथै यो तालिमको उदेश्य पनि हिंसामा कमि ल्याउन नै रहेको नेपाल सेल्फ डिफेन्सका अध्यक्ष डिबि रानापालले बताए ।