काठमाडौं । लिगको दोस्रो खेलमा मनाङ मर्स्याङ्दी क्लबसँग पराजित भएपछि त्रिभुवन आर्मी क्लबका प्रशिक्षक नविन न्यौपानेले भनेका थिए, ‘सेन्टर मिडफिल्डर नहुँदा धेरै गाह्रो भयो । फरवार्डलाई बल सप्लाई गर्ने मान्छेनै भएन । त्यसैले गोलनै निस्किरहेको छैन ।’
लिगको दोस्रो खेलमा उपाधि दाबेदार आर्मी मनाङसँग १-० गोल अन्तरले पराजित भएको थियो ।
लिगको चौंथो खेलको कथा भने फरक रह्यो ।
प्रतिद्धन्दीको रुपमा थ्री स्टार थियो ।
कम्तिमा खेल प्रतिस्पर्धात्मक हुनुपर्ने थियो ।
तर खेल अवधिभर आर्मीले थ्री स्टारलाई दबाबमा राख्यो ।
पुरै शक्तिका साथ आर्मीले ‘पावरपुल’ खेल खेल्यो ।
नतिजा पनि २–० को निस्कियो ।
प्रशिक्षकले भनेझै बुधबार आर्मीले निकै लोभलाग्दो खेल प्रदर्शन गर्याे ।
अनि आर्मीको सुधारिएको प्रर्दशनमा मात्र एक पात्र केन्द्रमा थिए ।
ती खेलाडी सन्तोष तामाङ थिए ।
एक खेलाडीले पुरै टिमको प्रर्दशनलाई कसरी प्रभावित पार्छ, सन्तोषले बुधबार त्यसको ज्वलन्त उदाहरण दिए ।
उनी बुधबार मात्र आर्मीको टिममा फर्किएका हुन् ।
उनैको लोभलाग्दो फ्रिकिकमा आर्मीले थ्री स्टारमाथि प्रभाव देखिने जित निकालेको हो ।
तर उनै सन्तोषले पछिल्लो साढे दुई महिना निकै उतार चढाव ब्यहोरे ।
![](https://scontent.fktm8-1.fna.fbcdn.net/v/t1.15752-9/82475433_586306132205457_7126327196288811008_n.jpg?_nc_cat=109&_nc_ohc=1GY1gzvydboAQl2sbh013-DwnRPpm1KkBMX4Z_tMi4_5ugKJuxzq3H-_w&_nc_ht=scontent.fktm8-1.fna&oh=1b95f9714082d1b8dbce4eb5685835c6&oe=5E6CA1D0)
असोज अन्तिम साता ‘डिस्को काण्ड’ मा मुछिएपछि उनी एन्फाको कारबाहीमा परे । सजाय स्वरुप उनी मैदान बाहिर बस्न पर्ने भयो ।
विश्वकप छनोट अन्तर्गत नेपालले कुवेतसंग दोस्रो लेगको म्याच खेल्दै थियो । भुटानमा हुने खेलका लागि नेपाली टिम तयार समेत थियो ।
तर, भुटान जाने अघिल्लो रात सन्तोष सहित राष्ट्रिय फुटबल टिमका चार खेलाडी नाईट क्लबमा भेटिए । उनीहरु सामान्य अवस्थामा थिएनन् ।
एन्फाले चारै खेलाडीलाई भुटान जाने टिमबाट निकाल्यो ।
घटनाको बिषयमा अनुसन्धान गर्यो । करिब महिना दिनपछि सन्तोष र अन्जन विष्टलाई ४५ दिन तथा दिनेश राजवंशी र विमल घर्तिमगरलाई ९० दिन फुटबल गतिविधिमा प्रतिबन्ध लगायो ।
त्यसपछि सन्तोष झण्डै लिग गुमाउने अवस्थमा पुगेका थिए । एन्फाले कारबाहीको समय नघटाएको भए सन्तोषलाई लिगमा समेत देख्न मुस्किल हुने थियो ।
एन्फाको कारबाही भोग्दै सन्तोष लिगको चौथो खेलमा मैदान फर्किए ।
उनले थ्री स्टारविरुद्व प्लेईङ सेटमै रहेर निकै लोभलाग्दो प्रर्दशन गरे ।
उनी राष्ट्रिय फुटबल टिमका भरपर्दा मिडफिल्डर हुन् । आर्मीका लागि उत्तिकै महत्वपुर्ण खेलाडी ।
खेल सुरु भएपछि पुरा समय आर्मीले थ्री स्टारलाई दबाब राख्यो ।
पुरा खेलमा आक्रमण प्रर्दशन गरेको आर्मीले प्राप्त अवसर सदुपयोग गर्न नसक्दा पहिलो हाफमा बराबरी खेल्यो । तर दोस्रो हाफमा आर्मीले दुई गोल गर्न सफल रह्यो ।
खेलको ५४ मिनेटमा आर्मीले पहिलो गोल गर्याे । कप्तान भरत खवासले मिलाएको बलमा राष्ट्रिय टिमका समेत सदस्य रहेका नवयुग श्रेष्ठले डिबक्स भित्रबाट हानेको ‘एक्रोब्याटिक’ सट गोलमा परिणत भयो ।
दोस्रो गोल खेलको ७९ मिनेटमा सम्भव भयो । आर्मीका खेलाडीलाई मैदानको दायाँ भागको करिब २५ यार्डमा थ्री स्टारका खेलाडीले फल गरेपछि विभागीय टिमले फ्रिकिक पाएको थियो ।
१ सय ६ दिनपछि मैदान फर्किएका सन्तोषले फ्रिकिकमा उत्कृष्ट गोल गर्दै आर्मीको २–० को जित निश्चित गरेका थिए । सन्तोषको लोभलाग्दो प्रहारलाई थ्री स्टारका विदेशी गोलरक्षक प्रिसोले समेत ठम्याउनै सकेनन् ।
![](https://scontent.fktm8-1.fna.fbcdn.net/v/t1.15752-9/s2048x2048/80852044_548203129067701_4556836666127417344_n.jpg?_nc_cat=102&_nc_ohc=as3nN_A48m8AQka4UbYJ38abdEB2Q1-qJA2UVI8yeHJZcMb8X7Nm4aoMw&_nc_ht=scontent.fktm8-1.fna&oh=bc306a6c29fd919a8a5ee2176dc428f2&oe=5EB288DF)
करिब साढे दुई महिनापछि मैदान फर्किएका सन्तोष निकै खुसी देखिन्थे ।
उनले मैदान फर्कने समयको निकै प्रतिक्षा गरेको बताए ।
‘मैदानबाहिर रहँदा कहिले खेलौ जस्तो भएको थियो । धेरैपछि फर्किए । फुुटबललाई धेरै सम्झिए । यस बीचमा टिमसँग खेल्न पाईन ।’ उनले भने ।
डिस्को काण्डमा मुछिएपछि अन्तिम समयमा सन्तोष सहित तीन खेलाडीलाई फिफा विश्वकप छनोट अन्तर्गत कुवेतसँग खेल्न भुटान जान रोक लगाईएको थियो ।
उनले टिमसँग खेल्न नपाउँदा निकै दुखी भएको बताए ।
योहान कालिन गत फागुनमा नेपाल आएपछि सन्तोषको खेल जिवनले फड्को मारेको थियो । कालिनकै नेतृत्वमा सन्तोषले राष्ट्रिय टिमबाट डेब्युको मौका पाएका थिए ।
गत वर्ष चैतमा कुवेतसँग भएको दुई मैत्रीपूर्ण खेलका क्रममा सन्तोषले राष्ट्रिय टिमबाट डेब्यु गरेका थिए । त्यसयता उनी नियमित टिममा रहँदै आएका छन् ।
मैदानमा फर्किएका सन्तोषले मैदान फर्किने अघिल्लो दिनसम्म नरोएको क्षण कमै भएको बताए ।
‘फुटबलमा फर्कन नपाउँदा प्रत्येक दिन रोएको थिए । आशु नझरेका दिन थिएनन् ।’ उनले भने ।
ललितपुरको चापागाँउमा हुर्किएका सन्तोष हिमालयन शेर्पासँगको खेल हेर्न दुई वर्षिय छोरालाई लिएर मैदान आएका थिए ।
![](https://scontent.fktm8-1.fna.fbcdn.net/v/t1.15752-9/s2048x2048/80866181_2503041410023795_797890965229535232_n.jpg?_nc_cat=101&_nc_ohc=FC6VKtw4e6UAQkXQHETZhp02_Yb4yZOm9vycjxjb27hY_8qO1zHv6eqvA&_nc_ht=scontent.fktm8-1.fna&oh=ad99f5ae5228e7721258b33b8f1c3bf4&oe=5EA7B481)
आर्मीविरुद्ध अप्रत्यासित गोल गरेका उनको ‘सेलिब्रेसन’ उस्तै थियो ।
उनले गोल गरेपछि दुबै कानमा चोरी औला घुसारेर हल्ला सुन्न चाहेनन् ।
यस्तो सेलिब्रेसन फुटबलमा कमै देख्न पाईन्छ ।
यसको कारण भने फरक रहेछ ।
उनी ब्राजिलीयन तथा जर्मन क्लब बार्यन म्युनिखका स्टार फिलिप कौटिन्होका प्रशंसक रहेछन् । उनले कौटिन्होकै नक्कल गरेका रहेछन् ।
२५ वर्षिय सन्तोषले पाँच वर्षयता आर्मीबाट खेल्दै आईरहेको छन् ।
यसअघि उनले फ्रेन्ड्सबाट 'ए' डिभिजन लिग सुरुवात गरेको थिए । करिब ५ बर्ष फ्रेन्ड्सबाट खेलेपछि सन्तोषले आर्मीबाट फुटबल करियर सुरु गरेका हुन् ।
खेलपछि आर्मीका प्रशिक्षक नविन न्यौपानेले टिमको महत्वपुर्ण खेलाडीको निकै आवश्यकता रहेको र सन्तोषको आगमनसँगै सो पुरा भएको बताए ।
‘यस अघिनै भन्दै आएको थिए । महत्वपुर्ण खेलाडी सन्तोष हो भनेर । थ्री स्टारसंगको खेलमा उसले आफुलाई प्रमाणित गरेर पनि देखायो । उसको आगमनसँगै टिम झन मजबुद भएको छ ।’
यो पनि पढ्नुस्
'गोल मेसिन' को आगमन !
पुनरागमनका लागि रविन तयार
मोफसलबाट चम्किएको 'हिरो'
फुटबलमा मिक्छेन 'प्रभाव'