काठमाडौं । दोस्रो संकरणको जिमखाना फाईट नाईट प्रतियोगिता भोली शनिबार आयोजना हुने भएको छ ।
आयोजक जिमखाना मुवाँथाईले शुक्रबार पत्रकार सम्मेलन गर्दै प्रतियोगिता शनिबार आयोजना हुने जनाएको छ ।
प्रतियोगितामा बक्सिङ र मुवाँथाईमा समान ४/४ गरि आठ फाईट हुनेछ ।
नेपाल बक्सिङ संघ र नेपाल राष्ट्रिय मुवाँथाई संघको तत्वावधानमा हुने फाईट नाईट ठमेलस्थित लर्ड अफ ड्रिक्स एलईडीमा हुनेछ ।
फाईट नाईटमा बक्सिङतर्फ ६० केजीमा आशिष तामाङविरुद्ध विमल रोक्का, ६५ केजीमा सबिन गुरुङविरुद्ध सुरेश नेपाली, ७० केजीमा दिवस लाल भुमिविरुद्ध रबि सुनार र ७५ केजीमा दिपेश लामाविरुद्ध दान बहादुर दलामीले प्रतिस्पर्धा गर्ने छन् ।
यस्तै मुवाँथाईको ६० केजीमा राजु राईविरुद्ध गुणराज रुचाल, ६५ केजीमा ससिन्द्र रंजितविरुद्ध विजय लामा, ६५ केजीमा रोहित शाही 'क' विरुद्ध रोहित शाही र ७० केजीमा मन्दिप राना मगरविरुद्ध रसिब जारीले खेल्नेछन्
प्रत्येक फाईटओ विजेताले ५० हजार र उपविजेताले २५ हजार पाउने छन् ।
