काठमाडौं । नेपालमा हुने १३ औ दक्षिण एसियाली खेलकुद प्रतियोगिता (साग)मा कुल ३ सय २४ स्वर्ण सहित ११ सय ३५ पदकका लागि प्रतिस्पर्धा हुने तय भएको छ ।
आयोजक नेपालले निर्धारण गरेको खेल स्पर्धा अनुसार कुल २७ खेलमा ३ सय २४ स्वर्णका लागि सात राष्ट्रले प्रतिस्पर्धा गर्ने तय भएको हो ।
सात राष्ट्र सहभागी सेफ द मिशनमा नेपालले प्रस्तुत गरेको पदक विवरण अनुसार प्रतियोगितामा ३ सय २४ स्वर्ण, ३ सय २४ रजत र ४ सय ८७ काँस्य पदक समावेश छ ।
पदक विवरण अनुसार सबै भन्दा धेरै पौडीमा ३८ र एथ्लेटिक्समा ३६ स्वर्ण रहेका छन् ।
यस्तै, आर्चरीमा १० स्वर्ण, बास्केटबलमा २, थ्री वाई थ्री बास्केटबलमा २, ब्याडमिन्टनमा ७, बक्सिङमा १६, क्रिकेटमा २, साईकिलिङमा ८, फेन्सिङमा १२, फुटबलमा २, गल्फमा ४, ह्याण्डबलमा २, जुडोमा १५ र कबड्डीमा २ स्वर्णका लागि प्रतिस्पर्धा गर्नेछन् ।
त्यस्तै, कँरातेमा १९, खोखोमा २, प्यालाग्लाईडिङमा ८, स्विमिङमा ३८, सुटिङमा २०, स्क्वासमा ४, टेबल टेनिसमा ७, टेनिसमा ७, तेक्वान्दोमा २९, ट्रायथलनमा ५, भलिवलमा २, विच भलिबलमा २, भारत्तोलनमा २०, कुस्तीमा २० र उसुमा २२ स्वर्णका लागि प्रतिस्पर्धा हुने तय भएको छ ।
![](https://scontent.fktm7-1.fna.fbcdn.net/v/t1.15752-9/75576463_1195546810638745_70801663996198912_n.jpg?_nc_cat=108&_nc_oc=AQnNd2pBLxVCUTQSzA4sN4e5YiLucECJBSIunZLreb-utEkFanqVP63NB_oGfVwjaxY&_nc_ht=scontent.fktm7-1.fna&oh=968b3cb9fd4375d9b001ca2ddf2c0ad2&oe=5E44FFF3)