काठमाडौं । नेपाली क्रिकेट सपोर्टर्स सोसाइटी (एनसीएसएस) चितवनले नेपाली राष्ट्रिय क्रिकेट टिमका पूर्व कप्तान एलबी क्षेत्रीलाई सम्मान गरेको छ ।
नेपाल क्रिकेट संघ (क्यान) को निलम्बन फुकुवामा मुख्य भूमिका खेलेको भन्दै एनसीएसएस चितवनले शनिबार क्षेत्रीलाई सम्मान गरेको हो ।
क्षेत्री क्यान निलम्बन फुकुवाको लागि अन्तर्राष्ट्रिय क्रिकेट परिषद (आईसीसी) ले गठन गरेको स्वतन्त्र कमिटिका सदस्य रहेका थिए ।
स्वतन्त्र कमिटिले गत असोज १० र ११ गते विशेष साधारण सभाबाट क्यानको नयाँ नेतृत्वको लागि निर्वाचन गरेको थियो । उक्त साधारण सभाले चतुरबहादुर चन्दको नेतृत्वमा क्यानको नयाँ नेतृत्व चयन गरेको थियो ।
क्यानमा नयाँ नेतृत्व आएपछि असोज २७ गते आईसीसीले निलम्बन फुकुवा गरेको थियो ।
एनसीएसएस चितवनको सम्मान कार्यक्रममा बोल्दै क्षेत्रीले सम्मानित हुँदा गर्व लागेको बताए । यस्तै उनले क्यानमा आउने बेथितिलाई घच्घच्याउने काम गरिरहन समेत आग्रह गरे ।
यस्तै सम्मानपछि क्षेत्रीले चितवनमा बन्दै गरेको गौतम बुद्द अन्तर्राष्ट्रिय क्रिकेट रंगशालाको निरीक्षण समेत गरेका थिए ।
![](https://scontent.fktm1-1.fna.fbcdn.net/v/t1.15752-9/75486073_667940510702083_5698501039976611840_n.jpg?_nc_cat=103&_nc_oc=AQnOc0xT97h6BAtfWGOGGMWLzwZwizK0pUaYsCmIySyIzCnnbl9Jq33CjmBMiVR7Qdo&_nc_ht=scontent.fktm1-1.fna&oh=3244cf429264befc00588e1065d0dba4&oe=5E274F16)
![](https://scontent.fbom19-2.fna.fbcdn.net/v/t1.15752-9/76697409_2578477812398157_7345245849779175424_n.jpg?_nc_cat=109&_nc_oc=AQnr6enMEMzSmCTzO5UFM8_cILGAoQlYGvl4Btm8Wy91yPNh2n3ddHAlj7nxSusNN9Q&_nc_ht=scontent.fbom19-2.fna&oh=8a52cc4fce8217d15e04b77bebd17970&oe=5E28C087)
![](https://scontent.fbom19-2.fna.fbcdn.net/v/t1.15752-9/74238364_545964616161291_508367486094147584_n.jpg?_nc_cat=109&_nc_oc=AQkYPm2hWYMpnEPhSsLzeDM-3eP4vilvJ1GRTafDdG6wBihBR_CZfNggaYxNFrpQmAI&_nc_ht=scontent.fbom19-2.fna&oh=c4316fd4092034dc87260a59a578a195&oe=5E20EA96)