काठमाडौं । गैरआवसीय नेपाल संघ एनआरएनएले गैरआवसीय नेपाली संघ खेलकुद प्रतिष्ठान विकास गर्ने भएको छ । काठमाडौं शुक्रबार पत्रकार सम्मेलन गर्दै संघको युवा तथा खेलकुद समितिले खेलकुद प्रतिष्ठानको विकास गर्न लागेको जानकारी गराएको हो ।
संघको आयामलाई फराकिलो बनाउन र खेलकुदसंग पहिलो र दोस्रो पुस्ताका गैरआवासीय नेपाललाई जोड्न प्रतिष्ठान गर्न लागिएको जानकारी गराईएको छ ।
खेल क्षेत्रसंग आबद्व गैरआवसीय नेपालीले हासिल गरेको सिप, क्षमता र ज्ञानलाई नेपाली खेल क्षेत्रमा जोड्न प्रतिष्ठानको आवश्यकता परेको प्रतिष्ठानका संयोजक सुदन थापाले बताए ।
गैरआवसीय नेपालीले हासिल गरेको ज्ञान र सिपलाई नेपाल भित्राउन तथा खेल क्षेत्रमा उत्कृष्टता हासिल गरेको खेलाडी तथा प्रशिक्षकलाई नेपाली खेलक्षेत्रमा अवसर दिलाउने उद्वेश्य प्रतिष्ठानले राखेको छ ।
संघको अन्तराष्ट्रिय समन्व्य परिषदको मातहत एक जना संयोजक र एक जना सदस्य सचिव र संसारभरका सदस्य रहने गरि अन्तराष्ट्रिय समन्वय समितिले प्रतिष्ठानलाई सञ्चालन गर्नेछ ।
काठमाडौंमा गतिविधि व्यवस्थित गर्न सात सदस्यीय सचिवालय समेत रहने प्रतिष्ठानले जानकारी गराएको छ ।
संघका केन्द्रिय अध्यक्ष भवान भट्टले एनआरएनले खेलकुदलाई समेत बिशेष प्राथमिकतामा राखेको उल्लेख गर्दै आठौं राष्ट्रिय खेलकुदमा विभागीय टिमको हैसियतमा संघको उपस्थितीले त्यसलाई पुष्टि गरेको बताए ।
पत्रकार सम्मेलनमा संघको नवौंं साधारण सभा तथा विश्व सम्मेलनका अवसरमा प्रतिष्ठानले विभिन्न ५ कार्यक्रम आयोजना गर्न लागेको जानकारी गराईएको छ । सो अवसर वाकाथन, स्पोर्टस मिट, फुटसल, गल्फ र चित्र प्रर्दशनी कार्यक्रम राखिएको प्रतिष्ठानले जनाएको छ ।
-1732413260.jpg)
