काठमाडौं । नेपाल क्रिकेट संघ (क्यान) का नवनिर्वाचित अध्यक्ष चतुरबहादुर चन्दले नेपाली क्रिकेट शुन्यबाट अघि बढाउनु पर्ने जिम्मेवारी रहेको बताएका छन् ।
क्यानको अध्यक्षमा निर्वाचित भएपछि बोल्दै चन्दले आफुले सबै कुरा त्यागेर क्रिकेटमा आएको बताउँदै शुन्यबाट क्रिकेटलाई अघि बढाउनु पर्ने रहेको बताए ।
'त्याग गर्नु पर्ने सबै चिज त्यागेर आएका हाै । नेपाली क्रिकेटकाे निकासका लागि चुनाव स्विकार गरेका थियाै । शुन्यबाट क्रिकेट अघि बढाउनु छ,' अध्यक्ष चन्दले भने ।
अन्तराष्ट्रिय क्रिकेट परिषद (आईसीसी) ले गठन गरेको स्वतन्त्र कमिटिको समन्वयमा शनिबार सम्पन्न विशेष साधारण सभाबाट चन्द अध्यक्षमा निर्वाचित भएका हुन् ।
यस्तै चन्दले क्यानमा नयाँ नेतृत्व आएपछि आईसीसीबाट क्यान निलम्बन फुकुवा हुने अपेक्षा गरेको समेत बताए ।
'अब क्यान निलम्बन फुकुवाकाे अपेक्षा गरेका छौँ,' उनले थपे ।
-1732413260.jpg)
