काठमाडौं । विश्व एथ्लेटिक्स च्याम्पियनसिपमा नेपालकी सरस्वती चौधरीले प्रतिनिधित्व गर्ने भएकी भएकी छिन् ।
कतारको दोहामा हुने विश्व च्याम्पियनसिपमा उत्कृष्ट फर्ममा रहकी सरस्वतीले खेल्ने पक्का भएको हो । नेपाल एथ्लेटिक्स संघले प्रतियोगिताका लागि नेपालबाट सरस्वतीको नाम सिफारिस गरेको छ ।
प्रतियोगिता असोज १० देखि १९ गतेसम्म कतारमा आयोजना हुदैछ । सरस्वतीले महिला १ सय मिटरमा प्रतिस्पर्धा गर्ने छिन् । प्रतियोगितामा विश्वभरका उत्कृष्ट एट्लेटिक्स खेलाडीले सहभागीता जनाउनेछन् ।
विभागीय टिम आर्मीकी खेलाडी सरस्वतीले केही वर्ष एपीएफबाट समेत खेलेकी थिईन् । उनले आठौं राष्ट्रिय खेलकुद प्रतियोगितामा १ सय र २ सय मिटर दौडमा स्वर्ण जितेकी थिईन् ।
![Image may contain: 5 people, people smiling, people standing](https://scontent.fktm7-1.fna.fbcdn.net/v/t1.0-9/57614886_364447097503293_5128486015677235200_n.jpg?_nc_cat=111&_nc_eui2=AeH1NYWjCNLy_gEBYRMOzqbNyDFTujmzAj_YjAqbX150FL0ixw5XTEwMjNeOA2k7EjweWbomIJr2auce4LRPa0-rsIXT7DWnGbH08zPCUTzIJg&_nc_oc=AQkrBR3Axp_V5V89BF0cnxuDcPwP1wQHhePm718V0MMUwnTxs3Tbc0lxxZvgAiBZu5c&_nc_ht=scontent.fktm7-1.fna&oh=7945f68013ccc56a66dc4b74eefea11d&oe=5E02963B)
नेपाल एथ्लेटिक्स संघले अन्तिम समयमा आएर सरस्वतीको नाम सिफारिस गरेको हो ।
एसियाली एथ्लेटिक्स महासंघले खेलाडीको नाम पठाउन संघलाई पटक पटक अनुरोध गर्दा समेत खेलाडीको नाम सिफारिस भएको थिएन् । खेलाडीको सिफारिस नभएकोमा नेतृत्वको चर्को आलोचना भएपछि अन्तिम समयमा नाम सिफारिस गरिएको हो ।
विश्व च्याम्पियनसिप खेल्न खेलाडीले छनाेट खेल्नु पर्ने हुन्छ । तर, नेपालकी सरस्वतीले वाइल्ड कार्डमार्फत प्रतियाेगितामा माैका पाएकी हुन् ।