काठमाडौं । ११ औं राष्ट्रपति रनिङ सिल्ड प्रतियोगिता अन्तर्गत एथलेटिक्समा सोमबार थप दुई नयाँ जुनियर राष्ट्रिय कीर्तिमान बनेको छ ।
छात्र÷छात्राको ४ गुणा ४ सय मिटर रिलेमा जुनियर राष्ट्रिय कीर्तिमान बनेको हो । पहिलो दिन आइतबार छात्राको सुटपुट र ४ सय मिटर दौडमा जुनियर राष्ट्रिय कीर्तिमान स्थापित भएको थियो ।
छात्रको ४ गुणा ४ सय मिटर रिलेमा प्रदेश ५ का सिमान पाण्डे, लेखनाथ महर, बेदबहादुर ओली र श्रवन केवतले निर्धारित दूरी ३ मिनेट ३२.३ सेकेन्डमा पूरा गर्दै कीर्तिमान बनाए । यसअघि २०७० सालमा प्रदेश ५ ले बनाएको ३ मिनेट ३४.९ सेकेन्डको कीर्तिमान थियो ।
छात्राको ४ गुणा ४ सय मिटर रिलेमा प्रदेश ५ का अरुणा रिजाल, पुर्णिमा खड्का, पूजा चौधरी र करुणा रिजालले ४ मिनेट २३.८ सेकेन्डमा दौड पूरा गर्दै कीर्तिमान रचे । प्रदेश ५ कै नाममा ४ मिनेट २७.३ सेकेन्डको कीर्तिमान रहेको थियो । उक्त कीर्तिमान अघिल्लो संस्करणमा बनेको थियो ।
