एजेन्सी । इंग्ल्यान्डमा जारी १२ औं संस्करणको एकदिवसीय विश्वकप क्रिकेटको पहिलो सेमिफाइनल अन्तर्गत न्युजिल्याण्डविरुद्धको खेलमा सस्तैमा आउट भएपछि भारतका ओपनर रोहित शर्मा रोएका छन् ।
म्यानचेस्टरमा जारी न्युजिल्याण्डविरुद्धको खेलमा रोहित मात्र १ रनमा आउट भएका थिए । अघिल्ला पाँच खेलमा शतक बनाएर कीर्तिमान बनाएका रोहित सस्तैमा आउट भएपछि पेभेलियन बक्समा रोएका हुन् ।
न्युजिल्याण्डले दिएको २४० रनको लक्ष्यसहित जवाफी ब्याटिङ गरिरहेको भारतले खराब ब्याटिङ गरिरहेको छ ।
३७ ओभर सकिदा भारतले ६ विकेट गुमाएर १२३ रन बनाएर खेलिरहेका छन् ।
यस अघि वर्षाले प्रभावित गरेपछि दुई दिन भएको सेमिफाइनलमा न्युजिल्याण्डले पुरै ५० ओभर खेल्दै ८ विकेट गुमाएर २३९ रन बनाएको थियो ।
न्युजिल्याण्डका लागि रोस टेलर र कप्तान केन विलियम्सनले अर्धशतकीय इनिङ्स खेले । टेलरले ७४ रनको अर्धशतकीय इनिङ्स खेल्दा कप्तान विलियम्सनले ६७ रन बनाए ।
भारतका भुवनेश्वर कुमारले ३ विकेट लिए ।
