काठमाडौं । प्याराग्लाइडिङका प्रशिक्षक योगेश भट्टराई 'एनएसजेएफ वर्ष प्रशिक्षक' घोषित भएका छन् ।
नेपाल खेलकुद पत्रकार मञ्चले मंगलबार आयोजना गरेको एनएसजेएफ बजाज पल्सर स्पोर्ट्स अवार्ड- २०७५ मा प्रशिक्षक भट्टराई उत्कृष्ट प्रशिक्षक घोषित भएका हुन् ।
यस विधामा भट्टराईसंगै क्रिकेटका जगत टमाटा, एथलेटिक्सका धनीराम चौधरी, भलिबलका ज्ञानेन्द्र विष्ट र फुटबलका हरि खड्का मनोनयनमा परेका थिए ।
वर्ष प्रशिक्षक अवार्डसंगै भट्टराईले बजाजको पल्सर मोटरसाइकलसहित विभिन्न गिफ्ट ह्याम्पर प्राप्त गरे ।
