एजेन्सी । भारतका अलराउण्डर विजय शंकर चोटका कारण विश्वकप टिमबाट बाहिरिएका छन् ।
२८ बर्षे शंकर खुट्टाको बुडी औंलामा लागेको चोटका कारण टिमबाट बाहिरिएका हुन् । उनको स्थानमा ओपनर मयाङ अग्रवाललाई टिममा राखिएको छ ।
भारतका कप्तान विराट कोहलिले शंकरले इंग्ल्याण्डविरुद्धको खेल अघि चोट बोकेको बताएका छन् ।
अभ्यासका क्रममा उनलाई जस्प्रित बुम्राहको योर्कर बलले लागेको थियो ।
शंकर विश्वकप टिमबाट बाहिरिने दोस्रो भारतीय खेलाडी बनेका छन् । यसअघि शिखर धवन चोटका कारण घर फर्किएका थिए ।
शंकरले पाकिस्तानविरुद्ध खेल्दै विश्वकपमा डेब्यु गरेका थिए ।
भारतले विश्वकपमा मंगलबार बंगलादेशको सामना गर्नेछ । भारत तालिकाको दोस्रो स्थानमा रहेको छ ।
