श्रीलंकाविरुद्ध वेष्ट इण्डिज बलिङ गर्दै

एजेन्सी । आईसीसी एकदिवसीय विश्वकप क्रिकेटमा अहिले श्रीलंका र वेस्ट ईन्डिजबीच प्रतिस्पर्धा हुँदैछ । 

इंग्ल्याण्डको चेस्टरमा वेष्ट इण्डिजले टस जितेको छ र पहिले फिल्डीङ रोजेको छ । श्रीलंकाले सुरुवातमा ब्याटिङ गर्नेछ ।

आज दुवै टोली जित निकाल्ने लक्ष्यसहित मैदान उत्रने छ । तर,दुवै टिम सेमिफाईनलको दौडबाट बाहिरिसकेका छन् ।

अंक तालिकामा श्रीलंका सातौ र वेस्ट ईन्डिज नवौ स्थानमा छन् ।

श्रीलंकाले ७ खेलबाट ६ अंक जोडेको छ । उसले दुई खेलमा जित निकाल्दा तीन खेलमा पराजय भोग्य पर्यो । उसका दुई खेल बर्षाका कारण रद्व भएको थियो ।

यता वेस्ट ईन्डिजले ७ खेलमा मात्र एक खेल जित्यो । उसले ५ खेलमा हार ब्यहोर्यो । एक खेल बर्षाका कारण रद्व भएको थियो ।