यू-१९ क्रिकेट टोली आज मलेसिया जाँदै

काठमाडौं । मलेसियामा आयोजना हुने एसीसी यू-१९ इस्टर्न रिजन क्रिकेटका लागि नेपाली टोली (आज) आइतबार मलेसियामा प्रस्थान गर्दैछन् ।

आगामी मंगलबारबाट सुरु हुने प्रतियोगिताका लागि १४ सदसीय नेपाली टोली आइतबार दिउँसो मलेसिया प्रस्थान गर्ने छन् । नेपाली टिम मालिण्डो एअरबाट दिउँसो २ बजे त्यसतर्फ प्रस्थान गर्ने फिजियो बिक्रम न्यौपानेले खेलपाटीलाई जानकारी गराए ।

प्रतियोगिता जुलाई २ देखि ९ सम्म हुनेछ । प्रतियोगिताको लागि नेपालले रोहित कुमार पौडेलको कप्तानीमा १४ सदसीय टिमको घोषणा गरिसकेको छ । नेपाली टोलीमा चार खेलाडी नयाँ अनुहार रहेका छन् । खड्क बोहोरा, तिलक भण्डारी, विशाल बिक्रम केसी र लोकेश बमले पहिलो पटक टिममा स्थान बनाएका छन् ।

प्रतियोगिताको पहिलो खेलमा नेपालले चीनसंग खेल्नेछ । समूह 'ए' मा रहेको नेपालले जुलाई ३ मा चीनको सामना गर्दै प्रतियोगिताको सुरुवात गर्नेछ । समूह 'ए' मा नेपालसंगै चीन र सिंगापुर रहेका छन् ।

यस्तै नेपालले दोस्रो खेलमा जुलाई ५ मा सिंगापुरसंग खेल्नेछ ।

अर्को समूहमा आयोजक मलेसिया, भुटान, हङकङ र थाईल्याण्ड रहेका छन् ।

समूहको शीर्ष दुई टोलीले सेमिफाइनलमा स्थान बनाउने छन् ।

नेपाली टिम :

रोहित कुमार पौडेल (कप्तान)

रित गौतम

पवन सर्राफ

भिम सार्की

कुशल मल्ल

रशिद खान

कमल सिंह ऐरी

सागर ढकाल