एजेन्सी । दोस्रो वरियताका स्पेनिस राफायल नाडाल फ्रेन्च ओपन टेनिसको चौंथो चरणमा प्रवेश गरेका छन् ।
पेरिसमा शुक्रबार राति भएको खेलमा बेल्जियमका डेभिड गोफिनलाई पराजित गर्दै नाडालले अन्तिम १६ को यात्रा तय गरेका हुन् । नाडालले गोफिनलाई ६-१,६-३,४-६ र ६-३ को सेटमा पराजित गरे ।
आठ पटकको च्याम्पियन नाडालले अब अर्जेन्टिनाका जुवान लोन्डेरोसंग खेल्ने छन् ।
महिलातर्फ बेलायतकी जोहन्ना कोन्टाले चौंथो चरणको यात्रा तय गरेकी छिन् । कोन्टाले स्लोभाकिया भिक्टोरिया कुजमोभालाई ६-२ र ६-१ को हराईन् ।
योसंगै कोन्टा सन् १९८३ पछि फ्रेन्च ओपनको अन्तिम १६ मा पुग्ने पहिलो महिला बेलायती खेलाडी बनिन् ।
