एजेन्सी । सर्बियाका नोभाक जोकोभिक फ्रेन्च ओपन टेनिसको तेस्रो चरणमा प्रवेश गरेका छन् ।
पेरिसमा बिहिबार भएको दोस्रो चरणमा स्विजरल्याण्डका हेनरी लाक्सोनेन पराजित गर्दै जोकोभिकले तेस्रो चरणको यात्रा तय गरेका हुन् ।
विश्व नम्बर एक जोकोभिकले लाक्सोनेनलाई ६-१,६-४ र ६-३ को सेटमा पराजित गरे । अब जोकोभिकले इटालीका सल्भाटोरे कारुसोसंग खेल्नेछन् ।
महिलातर्फ अमेरिकी खेलाडी सेरना विलियम्सले तेस्रो चरणको यात्रा तय गरिन् । सेरेनाले जापानकी कुरुमी नारालाई ६-३ र ६-२ को सेटमा पराजित गरिन् ।
अब सेरेनाले सोफिया केनिनसंग खेल्ने छिन् ।
