जोकोभिक र नाडाल दोस्रो चरणमा

एजेन्सी । शीर्ष वरियताका नोभाक जोकोभिक र दोस्रो वरियताका राफायल नाडाल फ्रेन्च ओपन टेनिसको दोस्रो चरणमा प्रवेश गरेका छन् ।

पेरिसमा सोमबार सर्बियन जोकोभिकले पोल्याण्डका हुबर्ट हुर्काजलाई ६-४,६-२ र ६-२ को सेटमा पराजित गरे ।

यस्तै साविकको बिजेता स्पेनिस नाडालले जर्मनीका यान्निक हान्फमानलाई ६-२,६-१ र ६-३ को सेटमा पराजित गरे । 

महिलातर्फ बेलायतकी जोहन्ना कोन्टाले दोस्रो चरणमा स्थान बनाएकी छिन् । उनले जर्मनीका एन्टोनियो लोथरलाई ६-४ र ६-४ को सेटमा पराजित गरिन् ।

यस्तै सेरेना विलियम्सले पनि दोस्रो चरणमा स्थान बनाएकी छिन् ।