करातेमा दिवसलाई स्वर्ण

नेपालगंज । आठौं राष्ट्रिय खेलकुद अन्तर्गत राष्ट्रिय करातेको पुरुष ८४ केजीमुनि पुलिसका दिवस श्रेष्ठले स्वर्ण जितेका छन् । फाइनलमा दिवसले एपीएफका भीम तामाङलाई १३–५ ले पराजित गरे ।

पुरुष ७५ केजीमुनि प्रहरीका गंगाराम कुश्वाहाले प्रदेश ५ का उमेश गुरुङलाई ५–३ तथा ६७ केजीमा प्रदेश ४ का नविन रसाइलीले एपीएफका सुवास घतानेलाई ९–१ ले हराउदै स्वर्ण जिते ।

महिला ४८ केजीमुनि आर्मीकी सन्नी तामाङले प्रदेश ३ की निरुपमा तामाङलाई ७–२ तथा ६१ केजीमुनि प्रहरीकी एसतर राईले एपीएफकी मनीषा चौधरीलाई ३–२ ले पाखा लगाउदै पहिलो भए ।

महिला ५५ केजीमुनि प्रदेश १ की अस्मिता राईले स्वर्ण जितिन् । एपीएफकी सोनी राई विरुद्धको खेलमा अस्मिता ‘सेन्सुइ’ का आधारमा विजयी भइन् । निर्धारित समयको खेल ५–५ को बराबरीमा सकिएको थियो ।