ह्यान्डबलको सेमिफाइनल समीकरण पूरा

नेपालगंज । आठौं राष्ट्रिय खेलकुद अन्तर्गत राष्ट्रिय ह्यान्डबलको पुरुष र महिला दुवैमा सेमिफाइनल समीकरण पूरा भएको छ ।

पुरुषमा एपीएफको भेट अर्को विभागीय टोली आर्मीसंग हुनेछ भने प्रदेश ३ ले प्रदेश १ को सामना गर्नेछ । महिलाको सेमिफाइनल प्रदेश १ र आर्मी तथा एपीएफ र प्रदेश ३ बीच हुनेछ ।

पुरुषको समूह चरणको खेलमा एपीएफले प्रदेश २ लाई ३३–९, प्रदेश ३ ले प्रदेश १ लाई २३–२०, गण्डकीले प्रदेश ५ लाई ४२–१२ र आर्मीले सुदूरपश्चिम प्रदेशलाई ४३–१० ले पराजित गरे ।

त्यसैगरी महिलामा प्रदेश १ ले प्रदेश ७ लाई २४–४, एपीएफले प्रदेश २ लाई ३९–४, प्रदेश ३ ले प्रदेश ५ लाई ७–६ र आर्मीले गण्डकीलाई ३०–७ ले हराए ।