काठमाडौं । दक्षिण एसियाली फुटबल महासंघ साफको साधारणसभा नेपालमा बस्ने भएको छ । यसअघि श्रीलंकाको कोलम्बोमा अप्रिल २९ मा बस्ने भनिएको बैठक काठमाडौंमा बस्ने तय भएको हो ।
श्रीलंकाको कोलम्बोमा सय बढी मानिसको ज्यान जाने गरि भएको आक्रमणपछि साधारण सभा नेपालमा सारिएको हो ।
अखिल नेपाल फुटबल संघ एन्फाले समाचारको पुष्टि गर्दै साधारण सभा निर्धारित मितिमै नेपालमा हुने जानकारी दिएको छ ।
साधारण सभाले साफको नयाँ नेतृत्व चयन गर्नेछ । साधारण सभाको पदाधिकारीमा नेपालले समेत उम्मेदवारी दिने तयारी छ ।
