ह्यान्डबलमा प्रदेश ५ र गण्डकीको जित

नेपालगंज । आठौं राष्ट्रिय खेलकुद अन्तर्गत पुरुष ह्यान्डबलमा प्रदेश ५ र गण्डकी प्रदेशले जित निकालेका छन्  ।

शनिबार भएको पहिलो खेलमा प्रदेश ५ ले कर्णाली प्रदेशलाई २२–१२ गोल अन्तरले पराजित गर्दा गण्डकी प्रदेशले त्रिभुवन आर्मी क्लवलाई २४–२१ गोलले पराजित गर्यो । 

सुदूरपश्चिम प्रदेश र प्रदेश ५ बीच भएको खेल बराबरी भएको छ । दुवै टिमले समान १४–१४ गोल गरेपछि दुवै टिमले समान अंक बाँडेका छन् ।

यस्तै अर्को खेलमा एपीएफले प्रदेश १ लाई २६–१० ले पराजित गर्यो । त्यस्तै  प्रदेश ३ ले प्रदेश २ लाई १४–३६ गोल अन्तरले पराजित गर्यो । सुदूरपश्चिम प्रदेशले दोस्रो खेलमा कर्णाली प्रदेशलाई २६–१५ गोलले स्तब्ध बनायो ।

महिलातर्फ त्रिभुवन आर्मी र गण्डकी प्रदेश विजयी भएका छन् । पहिलो खेलमा आर्मीले प्रदेश ५ लाई ४४–७ को फराकिलो गोल अन्तरले स्तब्ध पार्यो । त्यस्तै विहान भएको दोस्रो खेलमा गण्डकी प्रदेशले कर्णाली प्रदेशलाई ५–८ गोल अन्तरले पाखा लगायो ।