भाषण लम्बिएपछि कराँतेका खेल स्थगित !

दाङ । उद्घाटन समारोह भाषण र आसनमा सिमित बनेपछि आठौं राष्ट्रिय खेलकुदको कराँतेको खेल शुक्रबार सुरु हुन सकेन । दाङमा शुक्रबार हुने तय भएको प्रतियोगिताको उद्घाटन समारोहमा राखेप उपाध्यक्ष पिताम्बर तिम्सिना, कोमल वली लगायतका अतिथी निकै ढिलो गरि मात्र कार्यक्रम स्थलमा पुगेका थिए ।

उद्घाटन समारोहमा अतिथीका लामा भाषणले खेल सुरु हुने समय घर्किसकेको थियो । त्यसपछि कराँतेका खेलहरु भोली बिहानमात्र सुरु हुने जानकारी गराईयो ।
नाम नखुलाउने सर्तमा एक निर्णायकले शुक्रबार तीन खेल सुरु हुने कार्यक्रम तय थियो ।

तर समय घर्किएकाले राति अबेर हुने र प्रकाशको समस्याका कारण खेल हुन नसकेको उनले बताए ।

बहुउद्देश्यिय कभर्डहलको उद्घाटन गर्न दाङमा खेलकुद मन्त्री दिउँसो तीन बजे आउने कार्यक्रम थियो । उनी एक घण्टापछि मात्र कार्यक्रम स्थलमा पुगेका थिए ।
कराँतेका खेलहरु भोली बिहानमात्र सुरु हुनेछन् ।