बाँके । आठौं राष्ट्रिय खेलकुद प्रतियोगिताको भव्य उद्घाटन गरिएको छ । बाँकेको नेपालगञ्ज रंगशालामा बिहिबार साँझ एक विशेष कार्यक्रमकाबीच राष्ट्रपति विद्यादेवी भण्डारीले प्रतियोगिताको उद्घाटन गरेकी हुन् ।
उद्घाटन समारोहलाई सम्बोधन गर्दै राष्ट्रपति भण्डारीले दोस्रो पटक राष्ट्रिय खेलकुदको आयोजनाको अवसर पाएकोमा नेपालगञ्जलाई बधाई दिदै आठौं राष्ट्रिय खेलकुदको औपचारिक उद्घाटन भएको घोषणा गरेकी थिईन् ।
सोही अवसरमा खेलकुद मन्त्री जगत विश्वकर्माले वर्तमान सरकारले खेलकुदलाई उच्च प्राथमिकतामा राखेको भन्दै खेलकुदको समृद्विले मात्र सुखी नेपाली समृद्व नेपालको सरकारको नारा पुरा हुने बताए ।
प्रदेश पाँचका मुख्यमन्त्री शंकर पोखरेलले प्रदेश सरकार खेलकुदको विकासमा गम्भिर रहेको भन्दै सबै स्थानीय तहमा खेल मैदान बनाउने काम अघि बढेको बताए । खेलकुदको माध्यमबाट प्रदेश पाँच नयाँ ईतिहास रच्न सफल भएको भन्दै उनले सबै सहभागिमा शुभकामना व्यक्त गरेका थिए ।
प्रतियोगिताको शुभकामना मन्तव्य दिदै राखेप सदस्य सचिव केशवकुमार विष्टले आफुले घोषणा गरे अनुसारको खेलकुदको स्वर्ण युगको सुरुवात भएको बताएका थिए । सिमित स्रोत साधन र आर्थिक अभावकाबीच खेलकुदलले ठुलो सफलता हासिल गरेको उनले उल्लेख गरे ।
निर्धारित समय भन्दा एक घण्टा ढिला सुरु भएको कार्यक्रमको सुरुवातमा सहभागि सात प्रदेश, तीन विभाग, एक एनआरएनए टिम र जज रेफ्रीको समुहले मार्चपास गरेको थियो ।
लगत्तै समारोहमा विभिन्न जात, जाती, भाषा संस्कृतिका झाँकी प्रस्तुत गरिएको थियो ।
उद्घाटन समारोहमा खेलाडीको तर्फबाट युथ ओलम्पियन सोनु भट्टले खेल भावना अनुसार प्रतियोगिता खेल्ने भन्दै शपथ लिएकी थिईन् । त्यस्तै खेलको निर्णयलाई निष्पक्ष गराउने भन्दै निर्णायकको तर्फबाट भारत्तोलनका निर्णायक सम्सुद्विन सिद्विकी सपथ ग्रहण गरेका थिए ।
समारोहको अन्तिममा भारत्तोलन खेलका ओलम्पियन खेलाडी एवं प्रदेश सांसद सुरेन्द्र हमालले ओलम्पिक टर्च प्रज्ज्वलन गरेका थिए ।
आठौं राष्ट्रियमा समग्रमा २८ सय २५ पुरुष तथा २३ सय ८६ महिला गरी जम्मा ५२ सय ११ खेलाडी सहभागी छन् ।
प्रतियोगिताको खेलहरु भने चैत २७ गतेबाट नै सुरु भईसकेको छ । र, आठौं अन्तर्गत १४ खेलको राष्ट्रिय प्रतियोगिता सम्पन्न भइसकेको छ ।
आठौं राष्ट्रियमा विभिन्न ३५ खेल समावेश गरिएको छ । बृहत राष्ट्रिय खेलकुदकै इतिहासमा प्याराग्लाइडिङ खेल पहिलो पटक समावेश गरिएको छ भने एनआरएनए टिम पनि पहिलोपटक सहभागी भएका छन् ।
आठौं राष्ट्रियमा समग्रमा २८ सय २५ पुरुष तथा २३ सय ८६ महिला गरी जम्मा ५२ सय ११ खेलाडी सहभागी हुने छन् । ३७२ स्वर्ण, त्यत्ति नै रजत र ५६३ कांस्यका भिडन्त हुनेछ ।
प्रतियोगिताको खेलहरु भने चैत २७ गतेबाट नै सुरु भईसकेको छ । र, आठौं अन्तर्गत १४ खेलको राष्ट्रिय प्रतियोगिता सम्पन्न भइसकेको छ ।
