नेपालगंज । आठौं राष्ट्रिय खेलकुद अन्तर्गत राष्ट्रिय कबड्डीको पुरुष र महिला दुवैमा आर्मीले स्वर्ण जितेको छ । सातौं राष्ट्रिय खेलकुदमा पनि पुरुष र महिला दुवैमा च्याम्पियन बनेको थियो ।
बर्दियाको बाँसगढी कबड्डी एकेडेमीमा भएको पुरुष फाइनलमा आर्मीले प्रदेश ५ लाई ४२–२१ ले पराजित गर्यो । महिला फाइनलमा आर्मीले अर्को विभागीय टोली प्रहरीलाई ३६–२१ ले हरायो ।
चैत ३० गतेदेखि सुरु प्रतियोगिताको पुरुष र महिला दुवैमा समान १०–१० टिम सहभागी थिए ।
