फेन्सिङमा आर्मीलाई ६ स्वर्ण

नेपालगंज । आठौं राष्ट्रिय खेलकुद अन्तर्गत चौथो फेन्सिङ प्रतियोगितामा ६ वटा स्वर्ण पदक जितेर त्रिभुवन आर्मी क्बल च्याम्पियन भएको छ । आर्मी डिफेन्डिङ च्याम्पियन पनि हो ।

फेन्सिङका मुख्य प्रशिक्षक अभिषेक कार्कीका अनुसार प्रतियोगिताको शनिबारसम्मको नतिजामा आर्मीले सर्वाधिक ६ वटा स्वर्ण छ । प्रदेश ३ ले ३ स्वर्ण तथा एपीएफ क्लबले दुई स्वर्ण हात पारे ।

शनिबारको खेलमा फोइल पुरुष समूहमा आर्मीले प्रदेश ३ लाई ४५–२२ को अन्तरले पराजित गर्यो । त्यसैगरी स्याबर पुरुष समूहमा प्रदेश ३ ले एपीएफलाई ४५–३९ को अन्तरले निराश पार्यो । इपी महिला समूहतर्फ आर्मीले एपीएफमाथि ४५–४४ को कठिन जित दर्ता गर्यो ।

फोयल महिला समूहमा एपीएफ पहिलो बन्यो । एपीएफले आर्मीलाई ४५–३२ को अन्तरले पराजित गर्यो ।