नवनिर्वाचित मञ्च पदाधिकारीलाई राखेपको बधाई

काठमाडौं । नेपाल खेलकुद पत्रकार मञ्च (एनएसजेएफ) का नवनिर्वाचित केन्द्रीय कार्यसमितिको सम्मानमा राष्ट्रिय खेलकुद परिषद् (राखेप) ले शनिबार स्वागत तथा बधाइ कार्यक्रम आयोजना गर्यो ।

 

त्रिपुरेश्वरस्थित राखेपमा भएको कार्यक्रममा राखेप सदस्य–सचिव केशवकुमार विष्टले कार्यसमितिका पदाधिकारीहरुलाई खादा लगाइ दिनुका साथै मायाको चिनो प्रदान गरी बधाइ दिदै कार्यकाल पूर्ण सफलताका लागि शुभकामना दिए ।

 

कार्यक्रमलाई सम्बोधन गर्दै सदस्य–सचिव विष्टले कार्यकाललाई अवस्मरणिय बनाउन सबै एक जुट भए अगाडि बढ्नु पर्ने जोड दिदै आफू संलग्न क्षेत्रलाई गरिमामय बनाउन सके मात्र आफ्नो गरिमा पनि बढ्ने विचार व्यक्त गरे ।

 

नवनिर्वाचित मञ्चका अध्यक्ष देवेन्द्र सुवेदी (दुर्गानाथ) ले कार्यक्रम आयोजना गरेकोमा राखेपलाई धन्यवाद दिदै आठौं राष्ट्रिय खेलकुदको सफलताका लागि शुभकामना दिए ।

 

शुक्रबार सम्पन्न मञ्चको १५ औं चुनावी साधारणसभाले नेपाल टेलिभिजनका सुवेदीको अध्यक्षतामा ११ सदस्यीय केन्द्रीय कार्यसमिति चयन गरेको थियो ।