काठमाडौं । राष्ट्रिय खेलकुद परिषद राखेपले नेपाल कराँते महासंघको पुर्नगठन गरेको छ । लामो समय दुई समुहमा रहेका महासंघलाई एकिकृत गर्दै राखेपले कराँते महासंघको पुर्नगठन गरेको हो ।
राष्ट्रिय मान्यता र अन्तराष्ट्रिय मान्यताको दाबी गर्दै दुई वटा कराँते महासंघ अस्तित्वमा थिए । राष्ट्रिय मान्यता प्राप्त महासंघलाई दावा गुरुङ र अन्तराष्ट्रिय मान्यता प्राप्त महासंघलाई पुरेन्द्र बिक्रम लाखेले नेतृत्व गर्दै आएको थिए ।
![](https://scontent.fktm3-1.fna.fbcdn.net/v/t1.15752-9/52822990_258219978421318_2434507176996241408_n.jpg?_nc_cat=100&_nc_ht=scontent.fktm3-1.fna&oh=9c6af5fd378bd5d4a87d8a264a4fef74&oe=5D23FFBC)
युवा तथा खेलकुद मन्त्रालयले संघ संस्थाको विवाद समाधान गर्न राखेप उपाध्यक्ष पिताम्बर तिम्सिनाको नेतृत्वमा गठन गरेको विवाद समाधान समस्या सहजीकरण समितिले दुवै महासंघलाई निर्वाचनमार्फत एक हुने बिषयमा सहमती जुटाएको हो ।
लामो समयदेखि विवादीत दुई संघलाई भंग गर्दै राखेपले सम्भु आचार्यको नेतृत्वमा २१ सदस्यीय तदर्थ कमिटि गठन गरेको छ । कमिटिलाई तीन महिना भित्र नयाँ नेतृत्वको निर्वाचन गराउन अख्तियारी दिईएको छ ।
![](https://scontent.fktm3-1.fna.fbcdn.net/v/t1.15752-9/52719258_2202748893310753_7649677839003811840_n.jpg?_nc_cat=110&_nc_ht=scontent.fktm3-1.fna&oh=d64bbf28d67c2379c12cb4663d84bfee&oe=5CDA834C)
निर्वाचन कमिटिको अध्यक्षमा आचार्यसंगै सह अध्यक्षमा दावा गुरुङ, उपाध्यक्षमा पुरेन्द्र बिक्रम लाखे, महासचिवमा हरिशरण केसी, सह महासचिवमा ओमकृण्ण प्रसाई, सचिवमा वि आर मित्र र श्याम शेर्पा र कोषाध्यक्षमा सानुलाल श्रेष्ठ रहेका छन् ।
सदस्यमा छत्र आले, राजेन्द्र बराल, देव लामा, मजेन्द्र सिंह, नारायण मगर, यादव काफ्ले, धोजमान मोक्तान, निवास गोपाल वैद्य, ध्रुव विक्रम मल्ल, तारा वली, दुर्गा गौतम, रवि महर्जन र मिङ्गमा तामाङ रहेका छन् ।
![](https://scontent.fktm3-1.fna.fbcdn.net/v/t1.15752-9/53160204_2191659521050714_405835832075747328_n.jpg?_nc_cat=110&_nc_ht=scontent.fktm3-1.fna&oh=3e77ed5d6ae46c3657a9669c56e7851b&oe=5CE91401)
सन् २०११ मा तत्कालिन राखेप सदस्य सचिव केशवकुमार विष्टले दावा गुरुङ संयोजकत्वको नेपाल कराँते महासंघ पुनर्गठन गरेका थिए । गुरुङलाई राखेप र लाखेलाई ओलम्पिक कमिटिले मान्यता दिएपछि नेपाली कराँते निकै विवादीत अवस्थामा पुगेको थियो । सोही कारण राष्ट्रिय र अन्तराष्ट्रिय प्रतियोगितामा कराँतेको प्रर्दशन र नतिजा निकै खस्किदै आएको थियो ।
पुनर्गठन सभामा कसले के भने ?
दिपक श्रेष्ठ (अध्यक्ष,खेलाडी संघ)
दुवै महासंघ अस्तित्वमा हुदाँ ईन्चोन एसियाड र जाकार्ता एसियाडमा खेलाडी निकै पिडित भए । १७ एसियाडमा खेलाडीले खेल्न पाएनन् । छनोट भएका खेलाडी समेत खेल्नबाट बञ्चित हुन पर्यो । आठौं सागमा नेपालले कराँतेमा ईतिहास रचेको थियो । अब एकीकरण भएको महासंघले नेपालमै हुने १३ औ सागमा नयाँ ईतिहास रच्न सफल हुनेछ ।
![Image may contain: 1 person](https://scontent.fktm3-1.fna.fbcdn.net/v/t1.0-9/52698824_342596566355013_8691658603188191232_n.jpg?_nc_cat=110&_nc_ht=scontent.fktm3-1.fna&oh=5261f2467e20b4e617b5dbd38377f381&oe=5CDE1DEF)
पुरेन्द्रबिक्रम लाखे (उपाध्यक्ष)
अब एकजुट हुनुको विकल्प छैन । नेपाल कराँते महासंघको पुनर्गठनले कराँते खेलको विकासमा ठुलो सहयोग गर्नेछ ।
![Image may contain: 1 person](https://scontent.fktm3-1.fna.fbcdn.net/v/t1.0-9/53499996_342597009688302_1771452569676152832_n.jpg?_nc_cat=107&_nc_ht=scontent.fktm3-1.fna&oh=2c6b7dfc1c0b018a38f932370cc58ddf&oe=5D1783DE)
दावा गुरुङ (सह अध्यक्ष)
कराँतेले राष्ट्रिय प्रतिष्ठालाई उचो बनाउँदै अन्तराष्ट्रिय स्तरमा अग्रणी पदक दिदै आएको छ । कराँतेले नेपाली खेलकुदमा गरेको योगदानलाई रगत र पसिनाले सिञ्चित गरेर अघि बढाउनेछौ । कराँतेको मुख्य समस्या र कमजोरी भनेको यसमा हुने राजनीतिकरण हो ।
दुई, चार जना जुटाएर र छुटाएर अघि बढ्न सकिदैन भन्ने कुरा नेतृत्वले बुझ्नपर्छ । कराँतेलाई माया गर्ने, अघि बढाउने, सहि टुङ्गोमा पु¥याउने हो भने यसमा हुने राजनीतिकरणलाई बन्द गरिदिनुस ।
![Image may contain: 1 person, closeup](https://scontent.fktm3-1.fna.fbcdn.net/v/t1.0-9/52744537_342597889688214_7125566025004744704_n.jpg?_nc_cat=101&_nc_ht=scontent.fktm3-1.fna&oh=fe4d048b7a2de56343e8f373a8a78be9&oe=5D1CE3F6)
सम्भु आचार्य (अध्यक्ष)
मेरो कारणले सर्वसम्मत निकास दिने शर्तमा अध्यक्ष हुन तयार भएको हु । म कुनै आस्था भिडाउने छैन । अब कराँतेलाई एकताबद्व बनाउने हो । कराँतको नयाँ नेतृत्वको छनोट गर्ने दिशामा तदर्थ कमिटिले काम गर्नेछ ।
![Image may contain: 2 people, eyeglasses](https://scontent.fktm3-1.fna.fbcdn.net/v/t1.0-9/53039180_342597353021601_7882498657386233856_n.jpg?_nc_cat=106&_nc_ht=scontent.fktm3-1.fna&oh=d3dd549d8ae03362c8d8cf4f23e6aad4&oe=5CDBE2A3)
केशवकुमार विष्ट (सदस्यसचिव, राखेप)
खेलकुदमा स्वर्ण युग भनेको थिए, अहिले स्वर्णकालको सुरुवात भएको लागेको छ । हिजो जुन समस्याबाट ग्रसित थियौ, त्यसबाट निकै अघि बढेका छौ । खेलकुद भित्रको विवादलाई समाधान गर्नपर्छ । नेतृत्वमा बसेका एक भएपछि खेलकुदको विवाद समाधानको प्रक्रिया अघि बढेको हो । कराँतेको नेतृत्वलाई अब राखेपले सबै बिषयमा सहयोग गर्नेछ ।
![Image may contain: 3 people, closeup](https://scontent.fktm3-1.fna.fbcdn.net/v/t1.0-9/53176125_342597743021562_2570322353657479168_n.jpg?_nc_cat=103&_nc_ht=scontent.fktm3-1.fna&oh=138a2a4d7e35695dd5e82f7d17e36f99&oe=5CE24BAA)
कृण्णप्रसाद देवकोटा (सचिव)
कराँतेले अन्तराष्ट्रिस्तरमा नेपालको प्रतिष्ठा उ्रच्च बनाएको ईतिहास छ । धेरै पदक र धेरै खेलाडी भएको खेल कराँतेनै हो । त्यस कारण पुरानो साखलाई कराँतेले फिर्ता ल्याउन सफल हुनेछ भन्ने लागेको छ ।
![Image may contain: 3 people, people sitting, eyeglasses and closeup](https://scontent.fktm3-1.fna.fbcdn.net/v/t1.0-9/53082623_342596599688343_6785223019649302528_n.jpg?_nc_cat=101&_nc_ht=scontent.fktm3-1.fna&oh=000f73820b4b951907921103a64d7777&oe=5CDE2C3C)
पिताम्बर तिम्सिना (उपाध्यक्ष, राखेप)
एकै प्रकृतिका दुईवटा संघ मिल्नेलाई मिलाउने हो, नमिल्नेलाई मिल्काउने हो । खेलकुदलाई सबै विवादीत बनाउने बिषयको अन्त्य हुदैछ । हामी नेपाली खेलकुदको भातमारा हुन चाहान्नौ, निकास दिन चाहन्छौ । खेलकुदमा कसको मान्छे भन्ने हेरिदैन, कस्तो मान्छे भन्ने हेरिन्छ । झण्डा र डन्डा हेरेर मुल्याङ्कन गरिने छैन । दुई तिहाईको सरकार भएका कारणले पारदर्शीतालाई आधार बनाएर खेलकुदलाई अघि बढाउने हो ।
![Image may contain: 2 people, closeup](https://scontent.fktm3-1.fna.fbcdn.net/v/t1.0-9/53176168_342597246354945_1964872380287287296_n.jpg?_nc_cat=100&_nc_ht=scontent.fktm3-1.fna&oh=41f615fcdefd30132329532bef1e2aa7&oe=5D1A79C0)
जिवनराम श्रेष्ठ (अध्यक्ष, एनओसी)
कराँतेको विकासका लागि दुवै महासंघका अध्यक्षले गरेको त्यागलाई सम्मान गछौ । विवाद समाधानमा सहज बातावरण बनाएकोमा धन्यवाद दिन चाहन्छौ ।
![Image may contain: 1 person](https://scontent.fktm3-1.fna.fbcdn.net/v/t1.0-9/52901610_342596883021648_4131170244196564992_n.jpg?_nc_cat=108&_nc_ht=scontent.fktm3-1.fna&oh=e89e623dcf89ff49b0d9339f84e06bec&oe=5CDAA5A9)