एसियन पावर लिफ्टिङका पदक विजेता सम्मानित

काठमाडौं । एसियन पावर लिफ्टिङ च्याम्पियनसिपका पदक विजेता खेलाडीलाई शनिबार सम्मानित गरिएको छ । 

नेपाल युथ फिटनेस एन्ड केलिस्थेनिक्सले काठमाडौंमा एक कार्यक्रमको आयोजना गरेर प्रतियोगिताका पदक विजेता खेलाडीलाई सम्मान गरेको हो ।

साउन ३० देखि भदौं १ गतेसम्म काठमाडौंमा भएको एसियन पावर लिफ्टिङ च्याम्पियनसिपमा एसियाली देशका १ सय २० भन्दा बढी खेलाडी सहभागी थिए ।

पदक विजेता खेलाडीलाई राष्ट्रिय खेलकुद परिषद्का सदस्य सचिव टंकलाल घिसिङ र नेपाल युथ फिटनेश एन्ड केलिस्थेनिक्सका प्रमुख सुकदेव कार्कीले सम्मान पत्र र नगद सहित सम्मान गरेका थिए ।

प्रतियोगितामा नेपालको तर्फबाट लक्ष्मी महर्जन, रुबि श्रेष्ठ, रोमिका न्यौपाने, कल्पना खत्री, पुनम चौधरी, झरना योञ्जन, किरण सुवाल, दिकेश शिखाकार, निमेश चुकान, सबिता हान्जु, प्रमिका विष्ट, पुनम बोमजन, जितेन्द्र शाह, बालकृष्ण तन्डुकार, बिकेन जोशीले पदक जित्न सफल भएका थिए । 

यस्तै, अंकित योन्जन, अल्बिना राजथला, महिमा सिन्तान, भेषकुमारी असलामी, बिशाल श्रेष्ठ, चन्द्रमान श्रेष्ठ, साहिन रञ्जित, रविन राई, मानुकला राई, सर्मिला शाह, दिपेश बोहोरा, दिपेश शैजु, राजिव खड्का, आकृत बाँनिया, ज्ञानेन्द्र राज पाण्डे, राजिव श्रेष्ठ, आरोन लामा, रमेश श्रेष्ठ, ज्ञानरत्न शाही, ओजास जोशी, अर्जुन श्रेष्ठ, प्रसिद्ध शाक्य, उमेश भट्ट, उज्वल मानन्धर, देवकी खड्का, सावित्रा श्रेष्ठ, उत्कर्ष श्रेष्ठ, सुजित अवाले, मनोज श्रेष्ठ, आदेश श्रेष्ठ सम्मानित भएका थिए ।

एन्टी डोपिङ परिक्षण गरेर नीजि क्षेत्रबाट पहिलो पटक आयोजना गरिएको अन्तराष्ट्रिय प्रतियोगिताको सञ्चालन सफलतापूर्वक सम्पन्न गर्न सकिएको आयोजक संस्थाका अध्यक्ष सुकदेव कार्कीले बताए । नेपालको आयोजनाबाट अन्तराष्ट्रिय सहभागी समेत प्रभावित भएको उल्लेख गर्दै उनले नेपाली प्राविधिक टिमलाई अन्तराष्ट्रिय प्रतियोगितामा समेत अवसर सिर्जना गर्न सकिएको उल्लेख गरे ।

राखेप सदस्य सचिव घिसिङले नेपालको पावरलिफ्टिङको संस्थागत विकासमा आफु गम्भिर रहेको बताउँदै नन वेट लिफ्टिङ खेलहरुको महासंघ बनाउने विषयमा आफुले योजना बनाएको बताए । कार्यक्रममा नेपाल बास्केटबल संघका अध्यक्ष भिमसिंह गुरुङ लगायतका अतिथीहरुले शुभकामना मन्तब्य राखेका थिए ।